Talegaon Dabhade News : मावळातील तळेगांव दाभाडे शहरातील काही भागात आज (शुक्रवार) पाणीपुरवठा होणार नाही. तरी येथील नागरिकांनी पाण्याचा वापर काटकसरीने करावा असे आवाहन पालिका प्रशासनाने केले आहे. (Maharashtra News)

पालिकेने दिलेल्या माहितीनूसार पुणे मुंबई यशवंतराव चव्हाण एक्स्प्रेस वे लगत असलेल्या सोमाटणे पंपिंग स्टेशन मधली फीडर केबल नादुरुस्त झाली आहे. यामुळे शहरातील पाणीपूरवठ्यावर परिणाम हाेणार आहे.

तळेगांव मस्करणीस कॉलनी, स्टेशन चौक, स्वराज्यनगरी, मावळ लँड, जवेरी काँलनी, लॅक शोर, मंत्रा सिटी, शांताई नगरी येथे पाणी पुरवठा बंद राहील याची नागरिकांनी नोंद घ्यावी असे पालिकेने म्हटलं आहे. नागरिकांनी पाणी जपून वापरण्याचे आवाहन देखील तळेगांव पालिका प्रशासनाने नागरिकांना केले आहे.

Edited By : Siddharth Latkar