पालघरमधील सूर्या नदीत पोहण्यासाठी गेलेल्या दोन युवकांचा बुडून मृत्यू . पालघरच्या कीराट जवळ ही दुर्घटना घडली. दोघंही तरुण बोईसरच्या इको एडनशी पार्क येथील रहिवाशी आहेत. सूर्या नदीत अंघोळीसाठी गेले असता दोघांचा बुडून मृत्यू झाला आहे तर एकाला सुखरूप बाहेर काढण्यात स्थानिकांना यश आलं आहे. पोलिसांनी घटनास्थळी दाखल पंचनामा केला.

भाईंदरमध्ये नाल्यात आढळलं नवजात मृत अर्भक

भाईंदर पूर्वेच्या फाटक रोडवरील सालासर व्यावसायिक इमारतीच्या नाल्याच्या सफाईवेळी मृत अर्भक मिळून आले आहे. सफाई कामगारांनी स्थानिक पोलिसांना माहिती दिली नवघर पोलिसांचे पथक घटनास्थळी दाखल झाले होते.त्यांनी अर्भक पुढील तपासासाठी शासकीय जोशी रुग्णालयात पाठवले असून ते नाल्यात कोणी टाकले याचा शोध घेतला जात आहे. पोलिसांकडून परिसरातील सीसीटीव्ही कॅमेरे यांची तपासणी करत आरोपीचा शोध सुरू आहे.पोलिसांनी दिलेल्या माहितीनुसार हे अर्भक नवजात असल्याची माहिती दिली आहे.

मुंबई-पुणे एक्स्प्रेस वेवर खासगी बसला आग

मुंबई-पुणे एक्स्प्रेस वेवर वडगाव परिसरात एका खासगी प्रवाशी बसला आग लागल्याची घटना घडलीय. या बसमध्ये ३६ प्रवाशी होते, हे प्रवासी सुखरुप असल्याची माहिती मिळालीय. बसला आग लागल्याचं लक्षात येताच बसमधील प्रवाशांना बाहेर काढण्यात आलं, यामुळे कोणतीच जीवितहानी झाली नाहीये. या घटनेचा व्हिडिओ सोशल मीडिया व्हायरल झालेत.