पुणे : पुण्यातील धायरी परिसरात पेंट कंपनीला भीषण आग लागली होती. गल्ली नंबर २२ मध्ये ही आग लागली होती. घटनेची माहिती मिळताच फायर ब्रिगेडच्या आठ गाड्या आणि एक टँकर घटनास्थळी दाखल झाला होता. अथक प्रयत्नानंतर अग्निशमन दलाच्या कर्मचाऱ्यांना आगीवर नियंत्रण मिळवलं आहे.
रंगाच्या कंपनीला ही आग लागली होती. शॉर्ट सर्किटमुळे ही आग लागल्याची शक्यता वर्तवली जात आहे. आगीमुळे पाठोपाठ ७ ते ८ सिलेंडरच्या टाक्यांचा स्फोट झाल्याचीही माहिती समोर येत आहे. आगीमुळे परिसरात धुराचे साम्राज्य पसरले असून आकाशात धुराचे लोट पसरले होते. (Latest News Update)
या आगीत सुदैवाने कोणतीही जीवितहाना झालेली नाही. आगीची माहिती मिळताच रुपाली चाकणकर देखील घटनास्थळी दाखल झाल्या होत्या. आगीच्या या घटनेमुळे परिसरात काही वेळ भीतीच वातावरण निर्माण झालं होतं. मात्र आगीवर नियंत्रण मिळवल्यानंतर सर्वानीच सुटकेचा निश्वास सोडला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.