ज्ञानेश्वर हिंगोलीकर -

पुणे : पंतप्रधान नरेंद्र मोदी उद्या मंगळवार १४ जून रोजी देहूत येणार असून पंतप्रधानांच्या हस्ते जगद्गुरु संतश्रेष्ठ तुकाराम महाराजांच्या शिळा मंदिराचे लोकार्पण करण्यात येणार आहे. पंतप्रधान देहू (Dehu) नगरित येण्याआधीच त्यांचा हा दौरा काही कारणांमुळे वादात सापडला होता. कालचं राष्ट्रवादीचे कार्याध्यक्ष रविकांत वरपे यांनी पिंपरी-चिंचवड भाजपकडून लावण्यात आलेल्या बॅनवर आक्षेप घेतला होता.

भाजपकडून मोदींच्या (Narendra Modi) स्वागतासाठी लावण्यात आलेल्या बॅनरवरती विठ्ठलाच्या फोटोपेक्षा मोदींचा फोटो हा मोठा लावण्यात आल्यामुळे तो विठ्ठल भक्तांचा आणि वारकरी सांप्रदायाचा अपमान असल्याचा आरोप राष्ट्रवादीकडून (NCP) करण्यात आला होता.

हे देखील पाहा -

तर दुसरीकडे पंतप्रधान मोदींसाठी बनवलेली पगडीवर लिहीलेल्या अभंगाच्या ओळींवर देखील आक्षेप घेतल्याने आता त्यातील अभंगाच्या ओळी (पद) बदलल्या आहेत.

‘भले तरी देवू कासेची लंगोटी। नाठाळाच्या माथी हाणू काठी।।‘ ह्या ओळी अगोदर लिहीलेल्या होत्या तर आता ‘विष्णूमय जग वैष्णवांचा धर्म भेदाभेद भ्रम अमंगळ‘ या ओळी लिहील्या आहेत. त्यामुळे मोदी देहूत यायच्या आधीच या दौऱ्याची या ना त्या कारणाने चांगलाच चर्चेत आहे.

Edited By - Jagdish Patil