मुंबई : भाजप नगरसेवक प्रकाश मोरे यांचं नगरसेवकपद रद्द करण्याचे लघुवाद न्यायालयाने आदेश त्यामुळे दिले असून याच ठिकाणी दुसऱ्या क्रमांकाची मते मिळणाऱ्या उमदेवराला नगरसेवक पद देण्याचे महापालिकाला (BMC) न्यायालयाने आदेश दिले आहेत.

प्रभाग क्रमांक 159 मधून 2017 ला भाजपचे (BJP) प्रकाश मोरे निवडून आले होते , तर शिवसेनेच्या (Shivsena) कोमल जामसांडेकर यांना दुसऱ्या क्रमांकाची मतं मिळाली होती मात्र प्रकाश मोरे यांनी निवडणूक प्रतिज्ञापत्रामध्ये माहिती लपवल्याची तक्रार कोमल जामसांडेकर यांनी केली होती आणि त्यांच्या याच तक्रारीवर निर्णय देताना लघुवाद न्यायालयाने प्रकाश मोरे यांचं नगरसेवक पद रद्द केलं आहे.

दरम्यान, सध्या मोरे यांच्या वकिलाने या आदेशाविरोधात वेळ मागून घेतला आहे. तसंच कोमल यांना नगरसेवक पद मिळालं तरी आता पालिका निवडणूका काही दिवसातच होणार असल्याने त्यांना नगरसेवक कालावधी अवघ्या काही दिवसांचा मिळणार आहे. कारण 7 मार्चला सभागृहाचा कार्यकाळ संपणार असून पालिकेवर प्रशासक नेमला जाणार आहे.

Edited By - Jagdish Patil