Thane News:

ठाणे महानगरपालिका पाणी पुरवठा विभागातर्फ येत्या गुरूवार (ता.25) सकाळी 9.00 ते शुक्रवार (ता. 26) सकाळी 9.00 वाजेपर्यत 24 तासाचा शटडाऊन घेण्यात येणार आहे. या कालावधीत उथळसर प्रभाग समिती जेल जलकुंभावरुन होणारा पाणीपुरवठा 24 तास पूर्णपणे बंद राहणार आहे. तरी नागरिकांनी पाण्याचा काटकसरीने वापर करावा असे आवाहन ठाणे महानगरपालिकेने केले आहे. (Maharashtra News)

ठाणे महानगरपालिकेच्या उथळसर प्रभाग समिती जेल जलकुंभावरुन होणाऱ्या पाणी पुरवठा करणाऱ्या मुख्य वितरण वाहिनीचे स्थलांतर करण्यात येणार आहे. हे काम करताना मुख्य वितरण वाहिनीला जोडकाम के व्हिला नाला पुलाचे कामासाठी बाधित होणार आहे.

हे काम करण्यासाठी पाणी पुरवठा विभागामार्फत गुरूवार 25 एप्रिल सकाळी 9.00 ते शुक्रवार 26 एप्रिल सकाळी 9.00 वाजेपर्यत 24 तासाचा शटडाऊन घेण्यात येणार आहे. यामुळे नागरिकांनी पाणी जपून वापरावे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या दिवशी उथळसर प्रभाग समिती क्षेत्रातील राबोडी क्र. 1 व 2, के व्हिला, आकाशगंगा, पंचगंगा, उथळसर, सेंट्रल जेल परिसर, पोलिस लाईन परिसर व नौपाडा प्रभाग क्षेत्रातील एन.के.टी. कॉलेज परिसर, खारकर आळी, पोलिस हायस्कूलच्या काही भागात पाणीपुरवठा 24 तास पूर्णपणे बंद राहील असे महापालिकेने कळविले आहे.

Edited By : Siddharth Latkar