Pimpri Chinchwad News :

पिंपरी चिंचवड शहराला पाणीपुरवठा करणाऱ्या पवना धरणामध्ये तांत्रिक बिघाड झाल्याने रावेत येथील बंधाऱ्यात कमी प्रमाणात पाणी सोडण्यात आले आहे. त्यामुळे पिंपरी चिंचवड शहराचा पाणीपुरवठा आज (शुक्रवार) आणि उद्या (शनिवार) विस्कळीत होणार आहे. (Maharashtra News)

पिंपरी चिंचवड महापालिका क्षेत्रात पवना धरणातून पाणीपूरवठा केला जाताे. यंत्रणेत तांत्रिक बिघाड झाल्याने शहराच्या पाणीपूरवठ्यावर परिणाम हाेणार असल्याचे महापालिकेने कळविले आहे.

आज (शुक्रवार) संध्याकाळी पाणीपुरवठा झाल्यास तो कमी दाबाने व विस्कळीत प्रमाणात होणार आहे असे महापालिकेने नमूद केले. त्यामुळे नागरिकांनी पाण्याचा काटकसरीने वापर करून महापालिका आणि पाटबंधारे विभागाला सहकार्य करावे असे आवाहन पिंपरी चिंचवड महापालिकेच्या पाणीपुरवठा विभागाने केल आहे.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar