सुशांत सावंत

मुंबई: राणे कुटूंब आणि शिवसेना हा वाद काही महाराष्ट्राला नवा नाही. त्यातच मागील काही दिवसांपासून हा वाद आणखीनच चिघळला आहे. त्यातच आता आणखी भर पडली आहे. केंद्रीय मंत्री नारायण राणे (Narayan Rane) आणि आमदार नितेश राणे यांना आज अटक पूर्व जमीन मंजूर झाल्यानंतर नितेश राणे यांनी शिवसेना आमदार सुनील प्रभू (Sunil Prabhu) यांना विधान भवन परिसरात मिस्कील टोला लगावला. विधानभवन परिसरात नितेश  राणे (Nitesh Rane) आणि सुनिल प्रभु एकमेकांसमोर आले. यावेळी नितेश राणे यांनी अहो प्रभू जामीन मंजूर झाला आता वरच्यांना सांगा असे म्हणत मिस्कील टोला हाणला. मात्र यावर फार काही न बोलता सुनील प्रभू हसत पुढे निघून गेले.

नेमकं काय आहे प्रकरण

दिशा सालीयन मृत्यू प्रकरणी आक्षेपार्ह वक्तव्य केल्याचा गुन्हा नारायण राणे आणि नितेश राणे यांच्यावर करत मालवणी पोलीस ठाण्यात तक्रार दाखल करण्यात आली होती. त्यानंतर दिशा सालियनच्या आईनं केलेल्या तक्रारीनंतर हा गुन्हा नोंदवण्यात आला होता. मात्र आज दिंडोशीतील सत्र न्यायाधीश एस. यू. बघेल राणेंच्या अटकपूर्व जामीन अर्जावर निर्णय दिला.

Edited By: Pravin Dhamale