Kalyan New Year News

नवीन वर्षाच्या स्वागतासाठी उत्साहाच्या भरात वाहतूक नियम धाब्यावर बसवून स्वतःच्या व लोकांच्या जीवाशी खेळणाऱ्या वाहनचालकांना वाहतूक पोलिसांनी चांगलाच दणका दिलाय. 25 डिसेंबर ते 31 डिसेंबर या कालावधीत कल्याण वाहतूक विभागाने कल्याण डोंबिवली शहरात दारू पिऊन गाडी चालवणाऱ्यांसह , विना हेल्मेट, विनापरवाना, ट्रिपल सीट, रॅश ड्रायव्हिंग आदी प्रकरणी तब्बल 5 हजार 880 वाहनचालकांवर कारवाई करत सुमारे 54 लाख 79 हजारांचा दंड वसूल केला आहे.

थर्टी फर्सटच्या पार्श्वभूमीवर कल्याण वाहतूक पोलिसांनी दारू पिऊन गाडी चालविणाऱ्या वाहन चालकांच्या विरोधात दंडात्मक कारवाई केली. 26 डिसेंबरपासून ही कारवाई सुरू करण्यात आली. 31 डिसेंबरच्या पहाटेपर्यंत ही करावाई करण्यात आली. या मध्ये दारु पिऊन गाडी चलाविणाऱ्यासह विना हेल्मेट, ट्रीपल सीट, विना परवाना असा वाहतुकीच्या नियमांचे उल्लंघन करणाऱ्या वाहनचालकाविरोधात ही कारवाई करण्यात आली आहे. कल्याण आणि डोंबिवली शहरातून तब्बल 5 हजार 880 जणांच्या विरोधात कारवाई करून 54 लाख 79 हजार 650 रुपयांचा दंड आकारण्यात आला आहे. नवीन वर्षाच्या स्वागतावेळी काही अनुचीत प्रकार घडू नये यासाठी तपासणी मोहीम पोलिसांनी हाती घेतली होती.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)