राष्ट्रवादी काँग्रेसच्या विलिनीकरणाच्या चर्चेदरम्यान एक मोठी बातमी समोर आली आहे. उपमुख्यमंत्री सुनेत्रा पवार यांना मोठा झटका बसण्याची शक्यता आहे. सुनेत्रा पवार यांच्या राष्ट्रवादी काँग्रेसचे २० ते २२ आमदार फुटण्याची शक्यता असल्याचे मोठं विधान शिवसेना ठाकरे गटाचे खासदार संजय राऊत यांनी केले आहे. संजय राऊत यांनी आज माध्यमांशी संवाद साधताना राष्ट्रवादीच्या विलिनीकरणाबाबत मोठं विधान केले. सुनेत्रा पवार यांच्या गटाचे आमदार आज शरद पवार यांची भेट घेण्याची शक्यता आहे. त्यापूर्वीच संजय राऊत यांनी हा दावा केल्यामुळे राजकारणात खळबळ उडाली आहे.