पुणे : महाराष्ट्रातील माणूस कधी भीक मागत नाही. राज्यातील एका नेत्याने सांगितले की महापुरुषांनी भीक मागितली. पण महाराष्ट्रातील माणूस मोठ्या हिमतीने, कष्ट करून संकटावर मात करतो अशा शब्दांत राष्ट्रवादीचे अध्यक्ष शरद पवार यांनी मंत्री चंद्रकांत पाटलांवर टीका केली. ते आज राष्ट्रवादीच्या कार्यक्रमात बोलत होते.

लोकांना आज काम करण्याची संधी दिली जात नाही. इथले उद्योग बाहेरच्या राज्यात नेल्या जातात. येथील उद्योकांना प्रोत्साहन दिलं जात नाही. म्हणूनच बेरोजगारीच संकट असून बेरोजगारी वाढत आहे. त्याचे सामाजिक परिणाम दिसत आहेत, असं शरद पवार यांनी म्हटलं. (Latest Marathi News)

नोकरी नाही म्हणून लग्नासाठी मुलांसाठी मुली मिळत नाही. या बेरोजगारीचा परिमाण मुलांची लग्न थांबण्यावर झालाय. सोबतच जाती-जातीत, धर्मा-धर्मात तेढ वाढवली जात आहे. लोकांचं लक्ष अन्य ठिकाणी वळवलं जात आहे. कधी जातीचं नाव, कधी धर्माचं नाव याचा वापर केला जात आहे, अशी टीका शरद पवार यांनी सत्ताधारी पक्षावर केली आहे.

सामान्य माणसाला महागाईच्या गर्तेत ढकलून देण्याचं काम राज्यकर्ते करत आहेत. या सरकारच्या आर्थिक धोरणामुळे सामान्य माणसाच्या डोक्यावर महागाईच ओझं आहे. अशा सरकारला आम्हाला पुन्हा संधी द्यायची नाही, असं आवाहन शरद पवारांनी केलं आहे.