मुंबई : देशाची आर्थिक राजधानी म्हणून ओळखल्या जाणाऱ्या मुंबईतून (Mumbai) एक मोठी बातमी समोर आली आहे. मुंबईत नार्कोटिक्स कंट्रोल ब्युरोने (NCB) मोठी कारवाई करत ३० कोटी रुपयांचं ७ किलो कोकेन केलं आहे. या प्रकरणात पाच आरोपींना अटकही करण्यात आली आहे. (Mumbai News Today)

अटक करण्यात आलेल्या आरोपींपैकी चार आरोपी आफ्रिकन आहे. नार्कोटिक्स कंट्रोल ब्युरोच्या मुंबई आणि दिल्ली युनिटने १३ ऑक्टोबर रोजी नवी दिल्लीतील टिळकनगर भागात जवळपास ५ किलो कोकेन जप्त केले होते.

या महिलेने आणलेले हे ड्रग्ज मुंबईतील मस्जिद बंदर भागातील एका हॉटेलमधून हे ड्रग्ज आणल्याचे तपासात निष्पन्न झाले. याप्रकरणी एनसीबीने तत्काळ पाठपुरावा करून, महिलेला मदत करणाऱ्या दोन इथिओपियन नागरिकांना अटकही केली होती.

दरम्यान, या प्रकरणात अजून तपास केल्यानंतर एका महिलेसह आणखी दोन इथिओपियन नागरिकांना मुंबईतील मस्जिद बंदर येथील हॉटेलमधून एनसीबीने ताब्यात घेतले. अशा प्रकारे एकूण, सुमारे ७ किलो वजनाचे आणि सुमारे ३० कोटी रुपयांचे कोकेन ड्रग एनसीबीने जप्त केले आहे.

याप्रकरणातील आरोपी महिला ही दिल्लीतील ड्रग्ज सिंडिकेट चालणाऱ्या एका टोळीच्या म्होरक्याची पत्नी आहे. इतर आरोपी हे अमली पदार्थ तस्करांच्या सिंडेकेटचा भाग होते.

Edited By - Satish Daud