NMMC ने ठाणे-बेलापूर रोडवरून कोपरखैरणे आणि घणसोलीपर्यंत पोहचण्यासाठी नवा पूल तयार करण्याचा प्लान तयार केला आहे. नवी मुंबई महानगर पालिका ठाणे-बेलापूर रोडवरून कोपरखैराने आणि घणसोलीमध्ये जाण्यासाठी आर्म ब्रिज बांधणार आहे. या पूलासाठी तब्बल 24.23 कोटी रुपयांचा खर्च येण्याचा अंदाज आहे. हा प्रोजेक्ट नोड्सवर वाहतूक प्रवाह सुलभ करण्यात मदत करेल.

सध्या कोपरखैरणे रेल्वे स्थानकाजवळ फक्त एक अरुंद भुयारी मार्ग आहे ज्याचा वापर वाहनधारक कोपरखैरणे नोडमध्ये जाण्यासाठी करतात आणि टीबी रोडवरील ठाण्याकडे जाणाऱ्या गल्लीतून घणसोली गावाला जोडणारा जुना रस्ता आहे. नोडमधील रहिवाशांना ठाणे-बेलापूर रस्त्यावरून ये-जा करताना त्यांच्या इच्छित स्थळी जाण्यासाठी लांबपर्यंत चालत जावे लागते. महत्वाचे म्हणजे पावसाळ्यात भुयारी मार्गात पाणी साचण्याचा सामनाही वाहनधारकांना करावा लागतो.

हा नवीन पूल तयार झाल्यानंतर वाहन चालकांना टीबी रोडवर बेलापूर ते ठाण्याच्या दिशेला जाताना नोटवरून जाऊ शकतात. त्यामुळे त्यांना मोठा दलासा मिळणार आहे. ते धीरूभाई अंबानी नॉलेज सिटीसोबत (DAKC) टीबी रोडवरील उड्डाणपूलानंतर सुरू होणाऱ्या आर्म ब्रिजवरून जाऊन ठाण्याच्या दिशेने जाणाऱ्या रस्त्यावर जाऊ शकणार आहेत.

नवी मुंबई महानगर पालिकेचे अतिरिक्त आयुक्त आणि शहर अभियंता शिरीष अरदवाड यांनी सांगितले की, 'आम्ही एक आर्म ब्रिज बांधण्याची योजना आखली आहे. जी टीबी रोडवर ठाण्याकडे जाणाऱ्या लेनपासून सुरू होईल. ते कोपरखैरणे – महापे उड्डाणपुलाला जोडेल. जो टीबी रोडच्या वरून जातो आणि कोपरखैरणे आणि घणसोली नोड्स दरम्यान संपतो. कोपरखैरणे घणसोली (महापे वळण) ते टीबी रस्ता जोडणारा आरओबी आणि आर्म बांधण्यासाठी आम्ही निविदा मागवल्या आहेत. त्याचे सबमिशन महिना संपण्यापूर्वी कराव्या लागतात. प्रक्रिया पूर्ण झाल्यानंतर काम लवकरात लवकर काम पूर्ण केले जाईल.'