सिद्धेश म्हात्रे, प्रतिनिधी...

Navi Mumbai Accident: नवी मुंबईतून एक धक्कादायक बातमी समोर आली आहे.नवी मुंबईच्या ऐरोली येथे एक भीषण अपघात झाला. कंटेनरने पाच वाहनांना धडक दिल्याने हा भीषण अपघात झाल्याचे सांगण्यात येत असून यामध्ये एक महिला गंंभीर जखमी झाली आहे. (Navi Mumbai Accident News)

याबाबत समोर आलेल्या माहितीनुसार, नवी मुंबईतील ऐरोली एन्ट्री पॉईं येथे भीषण अपघाताची घटना घडली आहे. कंटेनरवरील चालकांचा ताबा सुटल्याने कंटेनरने पाच वाहनांना धडक दिली. या अपघातात रिक्षामध्ये बसलेली एक प्रवासी महिला जखमी झाली आहे.

अपघाताची माहिती मिळताच पोलीस घटनास्थळी दाखल झाले आहेत. अपघातानंतर घटनास्थळी मोठी वाहतूक कोंडी झाली आहे. वाहतूक पोलीस घटनास्थळी दाखल झाले असून वाहनाना बाजूला करण्याचे काम सध्या सुरू आहे.

टॅंकर अपघातात दोघांचा मृत्यू..

काल अहमदनगरमधील पाथर्डी तालुक्यात एक दुर्देवी घटना घडली होती. पाथर्डी तालुक्याच्या माणिकदौंडीच्या घाटात  झालेल्या टँकर अपघतात दोन जणांचा मृत्यू झाल्याची माहिती समोर आली आहे. अपघातानंतर टँकरला भीषण आग लागली होती. (Latest Marathi News)