मुंबई: नार्कोटिक्स कंट्रोल ब्युरोकडून (Narcotics Control Bureau) करण्यात आलेल्या कारवाई दरम्यान ३ केनिया नागरिकांना सोने तस्करी करण्याच्या प्रकरणात अटक करण्यात आलेली असून , मोहमद खुरेशआ अली (६१) अब्दुल्लाही अभिदिया आदण (४३) अली सादीया आलू (४५) या आरोपींना अटक करण्यात आली आहे.

अटक करण्यात आलेल्या आरोपींनी गुप्तांगात ९३७ ग्राम सोने लपविले होते. जे जे रुग्णालयात दाखल केल्या नंतर सदरचा प्रकार समोर आला आहे. १७ ऑगस्ट रोजी दोहा वरून विमानाने मुंबई विमानतळावर दाखल झाल्यावर या आरोपींना एनसीबीने ताब्यात घेऊन चौकशी केली असता या तिन्ही आरोपींनी त्यांच्या गुप्तांगात सोने लपविल्याचे समोर आले.

दरम्यान या तिन्ही आरोपीना उपचारानंतर सदरचे प्रकरण कस्टम विभागाकडे पुढील तापासाठी वर्ग करण्यात आलेला आहे.

Edited By: Pravin Dhamale