मुंबई : दिशा सॅलियन मृत्यूप्रकरणात बदनामी केल्याप्रकरणी मालवणी पोलिसांनी केंद्रीय मंत्री नारायण राणे (Narayan Rane) आणि आमदार नितेश राणे (Nitesh Rane) यांची स्वतंत्रपणे तब्बल नऊ तास चौकशी केली. २ ते ७ वाजेपर्यंत नारायण राणे यांची चौकशी करण्यात आली व ७ ते ११ वाजेपर्यंत नितेश राणे या़ची चौकशी करण्यात आली.

हे देखील पहा :

अभिनेता सुशांतसिंह राजपूत याची मॅनेजर दिशा सॅलियन (Disha Salian) च्या मृत्यूप्रकरणी राणे पितापुत्रांनी सॅलियन हीचा बलात्कार करून तिची हत्या करण्यात आल्याचा दावा केला होता. याच प्रकरणी दिशाच्या आईने मुलीची बदनामी होत असल्याबाबत गुन्हा दाखल केला होता.

चौकशीनंतर माध्यमांशी संवाद साधताना नारायण राणे म्हणाले कि, मी केंद्रीय गृहमंत्री अमित शाह (Amit Shah) यांना फोन केला व त्यानंतर पोलिसांनी आमची चौकशी थांबवून आम्हाला सोडले. पुढे बोलताना राणे यांनी, दिशा सॅलियनच्या मृत्यूप्रकरणात तिथे मंत्र्याची गाडी होती याबाबत व सुशांत आणि दिशाच्या केसबद्दल बोलून नका असा फोन मला उद्धव ठाकरेंनी केल्याचा खळबळजनक दावा केला आहे. तसेच राजकीय हेतूने प्रेरित होऊन आपल्याबाबत हे सर्व कटकारस्थान सुरु असल्याचेही राणे म्हणाले.