- सुशिल थाेरात

Nagar DCC Bank : नगर जिल्हा मध्यवर्ती सहकारी बँकेचा (District Central Cooperative Bank) अध्यक्षपदाची आज निवड हाेणार आहे. या निवडीसाठी आज (बुधवार) सकाळी अकरा वाजता संचालक मंडळाची विशेष सभा आयोजिण्यात आली आली आहे. माजी आमदार चंद्रशेखर घुले (Chandrashekhar Ghule) यांचे नाव अध्यक्षपदासाठी आघाडीवर हाेते. (Breaking Marathi News)

मविआने (mva) एकमताने चंद्रशेखर घुलेंची अध्यक्षपदासाठी नाव निश्चित केल्याने त्यांनी अध्यक्षपदासाठीचा उमेदवारी अर्जही भरला. अर्ज भरण्याच्या अखेरच्या मिनिटाला भाजपच्या वतीने अचानकपणे माजी आमदार शिवाजी कर्डिले (shivajirao kardile) यांचा देखील अर्ज आला.

त्यामुळे या निवडणुकीत ट्विस्ट निर्माण झाला. एकीकडे चंद्रशेखर घुले यांचा एकच अर्ज आला असल्यामुळे त्यांचा निवडीचा जल्लोष सोशल मीडियावर सुरू हाेता. अचानक भाजपच्या वतीने अर्ज आल्याने आता काेण बाजी मारणार याकडे नगरवासियांचे लक्ष लागून राहिलं हाेते.

निवडणूक निर्णय अधिकाऱ्यांनी मतदान घेतले. या मतदानामध्ये महाविकास आघाडीच्या उमेदवार चंद्रशेखर घुले पाटील यांना नऊ मते मिळाली. भाजपचे माजी आमदार शिवाजी कर्डिले यांना दहा मते मिळाली. एक मतदार तटस्थ राहिल्याने या निवडणुकीत भाजपने पुन्हा एकदा आपले वर्चस्व सिद्ध केले आहे.

Edited By : Siddharth Latkar