संजय गडदे, साम टीव्ही

मुंबई : मिरारोड रेल्वे स्टेशनजवळ एकाच ट्रॅकवर दोन लोकल ट्रेन समोरासमोर आल्याची घटना ताजी असताना वांद्रे स्थानकाजवळ देखील असाच प्रकार घडला आहे. वांद्रे स्थानकाच्या प्लॅटफॉर्मवर शनिवारी दुपारी ही घटना घडल्याची घटना घडली आहे. दोन लोकल ट्रेन समोरासमोर येत असल्याचे पाहून प्रवाशांना घाम फुटला. या आठवड्याातील ही दुसरी घटना घडली आहे. या घटनेचा व्हिडिओ आता समोर आला आहे.

मिरारोड रेल्वे स्टेशनजवळ एकाच ट्रकवर दोन लोकल ट्रेन समोरासमोर आल्याची घटना घडली होती. काही दिवसांपूर्वी मिरारोड स्टेशनजवळ हा प्रकार घडला होता. त्यानंतर पुन्हा तसाच प्रकार प्रकार घडला आहे. पश्चिम रेल्वे मार्गावरील ही आठवड्यातील दुसरी घटना आहे. पश्चिम रेल्वेच्या वांद्रे रेल्वे स्थानकावर दोन ट्रेन समोर आल्याची घटना घडली. दोन्ही लोकल ट्रेन समोरासमोर येत असल्याने प्रवाशांची एकच भंबेरी उडाल्याचं पाहायला मिळालं.

नेमकं काय घडलं?

वांद्रे रेल्वे स्टेशनवर दुपारी १. १९ वाजता दोन लोकल ट्रेन समोरासमोर आल्याची घटना घडली. वांद्रे रेल्वे स्थानकातील प्लॅटफॉर्म क्रमांक तीन वर दोन ट्रेन समोरासमोर आल्या. दोन लोकल ट्रेन समोरासमोर आल्याने प्रवाशांना घाम फुटला. रेल्वे प्लॅटफॉर्मवरील प्रवासी भीतीने लोकल ट्रेनकडे पाहू लागले. मात्र, मोटरमनच्या सतकर्तेमुळे मोठा अनर्थ टळल्याची माहिती मिळत आहे.

प्रवाशांची सुरक्षा वाऱ्यावर?

दरम्यान, मुंबईतील लाखो प्रवासी प्रवासासाठी लोकल ट्रेनवर अवलंबून असतात. मुंबईतील बहुतांश लोकांकडून नोकरीला जाण्यासाठी लोकल ट्रेनला प्राधान्य देतात. या प्रवाशांचा मोठ्या गर्दीतून कार्यालय गाठण्यासाठी प्रवास करतात. लोकल ट्रेनचा हा प्रवास सर्वात सुरक्षित प्रवास मानला जातो. मात्र, आठवड्याभरात दोन लोकल ट्रेन दोनदा समोरासमोर आल्याची घटना घडली आहे. मात्र, मोटरमनच्या सतर्कतेमुळे मोठा अनर्थ टळला आहे. मात्र, आठवड्यात दुसऱ्यांना ही घटना घडल्याने प्रवाशांच्या सुरक्षेचा प्रश्न निर्माण झाला आहे.