मुंबईयेथून एक धक्कादायक घटना उघडकीस आली आहे. ३२ वर्षीय महिलेनं एका तांत्रिकावर बलात्कार केल्याचा आरोप केला आहे. आरोपीनं भुतबाधेपासून मुक्त करण्यासाठी विधी करण्यास सांगितले. महिलेला बोलावून घेतलं. नंतर जबरदस्ती करत महिलेचे अब्रुचे लचके तोडले, अशी माहिती पीडितेनं दिली. यानंतर महिलेनं थेट सांताक्रूझ पोलीस ठाणे गाठत आपबिती सांगितली. सध्या पोलिसांकडून अधिक तपास सुरू आहे.

अब्दुल रशिद (वय वर्ष ४५) असे आरोपी तांत्रिकाचे नाव आहे. त्यानं ३२ वर्षीय महिलेवर अत्याचार केला आहे. पोलिसांनी दिलेल्या माहितीनुसार, कुटुंबातील समस्या आणि आरोग्याच्या समस्यांमुळे पीडित मुलगी त्रस्त होती. मदतीसाठी तिनं तांत्रिक बाबाकडे धाव घेतली. आरोपीनं पीडितेला भुतबाधा झाले असल्याचं सांगितलं.

अंगातील भुत उतरवण्यासाठी तांत्रिकाने पीडितेला विधी करण्याचा सल्ला दिला. ऑगस्टच्या सुरूवातीला, आरोपी रशीदनं पीडित महिलेला भेटण्यासाठी बोलावून घेतलं. नंतर तिच्या जबरदस्ती करत बलात्कार केला. सुरूवातीला महिलेला वाटले की, हे कृत्य उपचारांचा एक भाग आहे. परंतु नंतर तिला समजले की तिची फसवणूक झाली आहे.

पीडित महिलेनं तत्काळ सांताक्रूझ पोलीस ठाणे गाठले. तसेच तक्रार दाखल केली. महिलेनं दाखल केलेल्या तक्रारीनुसार, पोलिसांनी रशीदविरूद्ध विविध कलमान्वये गुन्हा दाखल केला आहे. सध्या पोलिसांकडून आरोपीचा शोध सुरू असून, पुढील तपास सुरू आहे.