अवघ्या 18 वर्षाचा यश मोरे...भिवंडी वाडा रस्त्यावर खड्ड्यामुळे त्याला आपला जीव गमवावा लागला. खड्डयात पडून मृत्यू झाल्यानंतर संतप्त गावकऱ्यांनी तीव्र आंदोलन केलं.. यशच्या अकाली मृत्यूसाठी कुटुबियांनी प्रशासनालाच जबाबदार धरलयं.

केवळ गेल्या महिन्याभरात मुंबईतील रस्त्यांनी चारजणांचा जीव घेतलाय.

16 जून 2025

BKC मेट्रो स्टेशनजवळ 13 वर्षीय मुलाचा खड्ड्यामुळे मृत्यू

19 जून 2025

मुंबई- नाशिक महामार्गावर खड्ड्यामुळे 20 वर्षीय तरुणाचा मृत्यू

20 जुलै 2025

भिवंडी वाडा रस्त्यावरील खड्ड्याने घेतला युवकाचा बळी

26 जुलै 2025

पवईतील रस्त्यावरील खड्ड्यानं दुचाकी स्वराचा जीव घेतला

मुंबईतील रस्त्यांबाबत पालिकेचे अधिकारी असोत की सत्ताधारी सगळ्यांनी वेगवेगळे दावे केलेत मात्र प्रत्यक्षात हे सगळेच दावे खोटे ठरलेत .2024 च्या आकडेवारीनुसार खड्डेमुक्त रस्त्यांसाठी मुंबईत तब्बल 273 कोटी रुपये खर्च करण्यात आलेत.

तरीही मुंबईतील रस्त्यांची चाळण झाल्याचं पाहायला मिळतयं. त्यामुळे मुंबईतील खड्ड्यांवरून विरोधकांनी सत्ताधाऱ्यांवरती आणि महापालिकेवरती टीकेची झोड उठवलीय.

आगामी महापालिका निवडणुकीत सत्ताधाऱ्यांकडून मुंबईतील विकास कामांबद्दल वेगवेगळे दावे केले जातील. सत्ताधारी आणि विरोधक मुंबईकरांसाठी नेमकं कोणी काय केलं, याची यादी मांडतील. मात्र खरी वस्तुस्थिती पाहता मुंबईकरांना रस्त्यावरच्या खड्ड्यांना दिवसरात्र समोरे जाव लागतयं. त्यामुळे मुंबईतील खड्ड्यांची समस्या कधी संपणार? असा सवाल विचारला जातोय.