मुंबई : मध्य रेल्वेच्या मुंबई विभागाकडून विविध अभियांत्रिकी आणि देखभालीची कामे करण्यासाठी उपनगरीय विभागांवर रविवार (२४ नोव्हेंबर) मेगा ब्लॉक करण्यात येत आहे. ठाणे आणि दिवा दरम्यान ५ व्या आणि ६ व्या मार्गिकेवर सकाळी १०.५० ते दुपारी ३.२० पर्यंत काम असणार असून या दरम्यान धावणाऱ्या गाड्या उशिराने धावणार आहेत.  

अप आणि डाऊन ट्रान्स हार्बर मार्गावर ठाणे आणि वाशी/नेरुळ स्थानकांदरम्यान सकाळी ११ वाजून १० मिनिट ते सायंकाळी ४ वाजून १० मिनिटपर्यंत या ब्लॉक कालावधीत वाशी/नेरुळ आणि ठाणे स्थानकांदरम्यान अप आणि डाऊन ट्रान्स हार्बर मार्गावरील सेवा बंद राहतील. तर ठाणे येथून सकाळी १० वाजून ३५ मिनिट ते सायंकाळी ४ वाजून ७ वाजेपर्यंत वाशी/नेरूळ/पनवेलसाठी सुटणाऱ्या डाऊन मार्गावरील सेवा आणि वाशी/नेरुळ/पनवेल येथून सकाळी १० वाजून २५ मिनिट ते सायंकाळी ४ वाजून ९ वाजेपर्यंत जाणाऱ्या अप मार्गावरील सेवा रद्द राहतील.

उपनगरीय सेवांचे डायव्हर्शन
छत्रपती शिवाजी महाराज टर्मिनस येथून सकाळी ९.५७ (कर्जत लोकल S-17) ते दुपारी २ वाजून ४२ मिनिटांपर्यंत (आसनगाव लोकल AN-15) सुटणाऱ्या डाऊन जलद/अर्धजलद मार्गावरील उपनगरी ट्रेन्स या ठाणे आणि कल्याण स्थानकांदरम्यान डाऊन धिम्या मार्गावर वळवण्यात येतील. या सर्व गाड्या त्यांच्या नियोजित थांब्याव्यतिरिक्त कळवा, मुंब्रा व दिवा स्थानकात थांबतील. तसेच त्यांच्या नियोजित आगमनापेक्षा १० मिनिटे उशीराने पोहोचतील.

तर कल्याण येथून सकाळी १० वाजून २८ मिनिट (अंबरनाथ लोकल A-26) ते दुपारी ३ वाजून ६ मनीटपर्यंत (खोपोली लोकल KP-8) सुटणाऱ्या अप जलद/अर्धजलद लोकल कल्याण आणि ठाणे स्थानकांदरम्यान अप धिम्या मार्गावर वळवण्यात येतील. त्यांच्या नियोजित थांब्यांव्यतिरिक्त दिवा, मुंब्रा व कळवा स्थानकात थांबतील. पुढे ठाणे स्थानकावर अप जलद मार्गावर पुन्हा वळवल्या जातील आणि गंतव्यस्थानी नियोजित आगमनापेक्षा १० मिनिटे उशिराने पोहोचेल.

अप मेल/एक्स्प्रेस गाड्यांचे डायव्हर्शन
अप मेल/एक्स्प्रेस गाड्या कल्याण आणि ठाणे स्थानकांदरम्यान अप जलद मार्गावर वळवल्या जातील. वेळापत्रकापेक्षा १० ते १५ मिनिटे उशीराने धावणार आहेत. तसेच नागपूर- छत्रपती शिवाजी महाराज टर्मिनस एक्स्प्रेस (१२१४०), चेन्नई - छछत्रपती शिवाजी महाराज टर्मिनस एक्स्प्रेस (२२१६०), सोलापूर- छत्रपती शिवाजी महाराज टर्मिनस वंदे भारत (22226), बनारस- लोकमान्य टिळक टर्मिनस एक्स्प्रेस (12168), हावडा - छछत्रपती शिवाजी महाराज टर्मिनस एक्स्प्रेस (12321), हटिया - लोकमान्य टिळक टर्मिनस एक्स्प्रेस (12812), कोइम्बतूर - लोकमान्य टिळक टर्मिनस एक्स्प्रेस (11014), पाटलीपुत्र - लोकमान्य टिळक टर्मिनस एक्स्प्रेस (12142), प्रयागराज- लोकमान्य टिळक टर्मिनस दुरांतो एक्स्प्रेस (12294), गोरखपूर - लोकमान्य टिळक टर्मिनस एक्स्प्रेस (11080), छापरा - ललोकमान्य टिळक टर्मिनस एक्स्प्रेस (11060), चेन्नई - लोकमान्य टिळक टर्मिनस एक्स्प्रेस (12164), आग्रा कँट - लोकमान्य टिळक टर्मिनस एक्स्प्रेस (12162), 

डाऊन मेल/एक्स्प्रेस गाड्यांचे डायव्हर्शन
त्याचप्रमाणे डाउन मेल/एक्स्प्रेस गाड्या ठाणे आणि कल्याण स्थानकांदरम्यान डाऊन जलद मार्गावर वळवण्यात येतील. त्या वेळापत्रकापेक्षा १० ते १५ मिनिटे उशिराने धावतील. यात  11055 लोकमान्य टिळक टर्मिनस - गोरखपूर एक्स्प्रेस, 11061 लोकमान्य टिळक टर्मिनस - जयनगर एक्स्प्रेस, 17222 लोकमान्य टिळक टर्मिनस- काकीनाडा एक्स्प्रेस, 11071 लोकमान्य टिळक टर्मिनस- बरौनी एक्स्प्रेस, 13202 लोकमान्य टिळक टर्मिनस- पाटणा जं एक्सप्रेस. 

मेल/एक्सप्रेस सेवांचे डायव्हर्शन 
लोकमान्य टिळक टर्मिनस येथून सुटणाऱ्या डाऊन ५ व्या मार्गावरील मेल/एक्स्प्रेस गाड्या ठाणे आणि कल्याण स्थानकांदरम्यान डाऊन जलद मार्गावरून वळवण्यात येतील. तर लोकमान्य टिळक टर्मिनस /दादर/छत्रपती शिवाजी महाराज टर्मिनस येथे येणाऱ्या अप ६ व्या मार्गावरील मेल/एक्स्प्रेस गाड्या कल्याण आणि ठाणे स्थानकांदरम्यान अप जलद मार्गावरून वळवण्यात येतील.

मेल/एक्स्प्रेस सेवांची शॉर्ट टर्मिनेशन/ओरिजिनेशन
१6346 तिरुवनंथपुरम- लोकमान्य टिळक टर्मिनस एक्स्प्रेस, २२ नोव्हेंबर रोजी सुरू होणारा प्रवास पनवेल स्टेशनवर शॉर्ट टर्मिनेट होईल आणि पनवेल ते लोकमान्य टिळक टर्मिनसच्या दरम्यान सेवा रद्द राहील.
16345 लोकमान्य टिळक टर्मिनस- तिरुअनंथपुरम एक्स्प्रेस. दरम्यान २४ नोव्हेंबर रोजी सुरू होणारा प्रवास पनवेल येथे शॉर्ट ओरीजनेट केला जाईल. या ट्रेनची लोकमान्य टिळक टर्मिनस आणि पनवेलच्या दरम्यान सेवा रद्द राहील.