Mumbai News :

मुंबईत आज सकाळपासून मुसळधार पाऊस  (Heavy Rain) कोसळत आहे. या पावसासोबतच मुंबईकरांना अनेक अडचणींचा सामना देखील करावा लागत आहे. मुंबईत पावसामुळे घडणाऱ्या दुर्घटनांचे सत्र थांबायचे नाव घेत नाही.

मुंबईच्या दहिसर पूर्वेकडील केतकी पाडा भागातील शिवशक्ती चाळीतील एक घर कोसळल्याची दुर्घटना घडली आहे. दहिसर पूर्वेकडील सिलेंडर गोडाऊन परिसरातील एक चाळीतील घर कोसळून ही दुर्घटना झाली आहे. सुदैवाने यात कोणत्याही प्रकारची जीवितहानी झाली नाही. (Latest Marathi News)

मिळालेल्या माहितीनुसार, मुंबईच्या दहिसर पूर्वेकडील केतकी पाडा भागातील शिवशक्ती चाळीत एका दोन मजली घरामध्ये चार जणांची कुटुंब राहत होतं. सायंकाळी ५ वाजण्याच्या सुमारास भिंत क्रॅक होण्याचा आवाज ऐकू आल्याने कुटुंबातील चारही सदस्य ताबडतोब घराच्या बाहेर पडले.

घरातील सदस्य बाहेर पडताच काही वेळानंतर घर कोसळून दुर्घटना झाली. वेळीच सावधानता राखत घरातील चारही सदस्य बाहेर पडल्यामुळे मोठी जीवितहानी टळली आहे.