संजय गडदे

मुंबई : मुंबईच्या जोगेश्वरीतून धक्कादायक घटना समोर आली आहे. जोगेश्वरी पश्चिमेकडील एका इमारतीची ऑटोमॅटिक कार पार्किंगची लिफ्ट कोसळल्याची घटना घडली आहे. बुधवारी उशिरा रात्री ही घटना घडली आहे. या घटनेने इमारतीत एकच खळबळ उडाली होती. (Latest Marathi News)

मिळालेल्या माहितीनुसार, मुंबईच्या जोगेश्वरी पश्चिमेकडून एक धक्कादायक घटना घडली आहे. जोगेश्वरी (Jogeshwari) पश्चिमेकडील युनिव्हर्सल क्युबिकल कॉम्प्लेक्स या इमारतीतील ऑटोमॅटिक कार पार्किंग ची लिफ्ट कोसळल्याची घटना रात्री घडली आहे.

सुदैवाने यात कोणत्याही प्रकारची जीवितहानी झाली नाही. मात्र या दुर्घटनेमुळे रहिवाशांमध्ये भीतीचे वातावरण पसरले आहे.बुधवारी रात्री एक वाजण्याच्या सुमारास लिफ्ट कोसळण्याची घटना घडली आहे.

मुंबईत (Mumbai) मागील काही दिवसांपासून उंच इमारतीतील लिफ्ट कोसळण्याच्या घटना त्यामुळे नागरिकांना आपला जीव गमवावा लागला होता. फेब्रुवारी महिन्यात देखील याच इमारतीतील नागरिकांना इमारतीत वरच्या मजल्यावर ये-जा करण्यासाठी असणारी लिफ्ट कोसळल्याची घटना घडली होती. अशातच बुधवारी रात्री उशिरा वाहन पार्किंगसाठी असणारी ऑटोमॅटिक कार पार्क लिफ्ट (Lift) कोसळल्यामुळे या इमारतीत राहणाऱ्या रहिवाशांमध्ये आता भीतीचे वातावरण पसरलं आहे.

या इमारतीचा विकासात याच्यावर पोलिसांनी गुन्हा दाखल करून घ्यावा अशी मागणी आता रहिवासी करू लागले आहे. शिवाय मुंबई महानगरपालिकेने देखील या इमारतीच्या कामाविषयी करावं अशी मागणी आता रहिवासी करू लागले आहेत. वारंवार लिफ्ट कोसळण्याच्या घटना वाढू लागल्यामुळे परिसरात भीतीचे वातावरण पसरले आहे. दरम्यान, मुंबईत वाढत्या लिफ्ट कोसळण्याच्या घटनेमुळे नागरिकांची चिंता वाढू लागली आहे.