कांदिवलीमधील रामगड परिसरात शिवसेना ठाकरे गटाच्या नेत्याची गुंडगिरी
पदाधिकाऱ्याचा तरुणावर प्राणघातक हल्ला.
सन्मान न मिळाल्यानं ठाकरे गटाच्या नेत्यानं तरुणावर प्राणघातक हल्ला केला.
संजय गडदे, साम प्रतिनिधी
मुंबईतील कांदिवली पूर्वेत असलेल्या रामगढ परिसरात ठाकरे गट शिवसेना पक्षाच्या एका पदाधिकाऱ्याचा गुंडागिरी पाहायला मिळाली. येथील एका झोपडपट्टीत राहणाऱ्या एका तरुणावर ठाकरे गटाच्या पदाधिकाऱ्याने जीवघेणा हल्ला केल्याची घटना घडलीय. साईबाबा भंडाऱ्याच्या कार्यक्रमात पदाधिकाऱ्यांना अपेक्षित सन्मान न मिळाल्यामुळे नेत्याचा संताप अनावर झाला. त्या संतापलेल्या कार्यकर्त्यांनी तरुणावर हल्ला केला असा आरोप स्थानिकांनी केलाय.
हल्ल्याच्या वेळी मध्यस्थी करणाऱ्या काही रहिवाशांनाही पक्षाच्या कार्यकर्त्यांनी मारहाण केली. नाव न छापण्याच्या अटीवर बोलताना एका स्थानिकांनी सांगितले की, “भंडाऱ्यात झालेल्या वादानंतर पदाधिकारी थेट युवकावर तुटून पडले”. घटनेनंतर पीडित कुटुंबीय आणि परिसरातील नागरिक कुरार पोलीस ठाण्यात पोहोचले. त्यानंतर तिथेही तणावाचे वातावरण निर्माण झाले आहे. स्थानिकांचे आरोप आहे की, शिवसेना नेते प्रकरण मिटवण्याचा प्रयत्न करत आहेत. पोलिसांनी वाढत चाललेली गर्दी हटवण्यासाठी परिसरात बंदोबस्त वाढवलाय. या संपूर्ण प्रकरणाचा पुढील तपास कुरार पोलीस करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.