देशाची अर्थव्यवस्था वाढत आहे. अर्थव्यवस्थेचं ग्रोथ इंजिन म्हणून मुंबईसह एमएमएआरकडे पाहिलं जात आहे. मुंबई ही देशाची आर्थिक राजधानी आहे. दरम्यान, मुंबईत घर घेण्याचे अनेकांचे स्वप्न असते. परंतु या स्वप्नांच्या नगरीत घर घेणे हे सर्वसामान्यांच्या खिशाला परवडणारे नाही. घराच्या किंमती दिवसेंदिवस वाढत आहेत. सलग दुसऱ्या तिमाहीत मुंबईतील घरांच्या किंमती वाढल्या आहेत.

देशातील ४५ शहरांच्या घरांच्या किंमतीतील चढ-उताराबाबत नाइट फ्रँकने अहवाल जारी केला आहे. यामध्ये बंगळुरुमधील घरांच्या किंमतीत सर्वाधिक म्हणजे १०.३ टक्क्यांनी वाढली आहे. तर मुंबई आणि एमएमआरमधील घरांच्या किंमतीत ८.७ टक्क्यांनी वाढल्या आहेत. यामुळे सर्वसामान्यांचे घराचे स्वप्न पूर्ण होण्यामध्ये अडथळे येत आहेत.

जागतिक स्तरावर घराच्या किंमती कमी होत आहे. परंतु भारतात मात्र घरांच्या किंमती वाढत आहेत. जागतिक पातळीवरील युद्धाची परिस्थिती, अस्थिरता, इंधनाच्या वाढत्या किंमती याचा थेट परिणाम गृहनिर्माण विभागावर होत आहे. त्यानुसारच या ४५ शहरांमधील घरांच्या किंमतींमधील चढ-उताराचा अहवाल तयार केला आहे.

या अहवालानुसार, अनेक शहरांमध्ये घरांच्या किंमतीत वाढ होत असल्याचे दिसत आहे. तर काही ठिकाणी किंमती कमीदेखील झाल्या आहेत. नाइट फ्रँकच्या या अहवालानुसार, दक्षिण कोरियाच्या सेऊल या ठिकाणी घरांच्या किंमती सर्वाधिक वाढल्या असून ते पहिल्या स्थानावर आहे. या ठिकाणी घरांच्या किंमतीत २५ टक्क्यांनी वाढ झाली आहे.

बंगळुरु चौथ्या क्रमांकावर आहे. बंगळुरुमध्ये घरांच्या किंमतीत १०.०२ टक्क्यांनी वाढ झाली आहे. मुंबई सहाव्या स्थानावर आहेय मुंबईतील घरांच्या किंमतीत ८.७ टक्के आहे. दिल्ली १५ व्या स्थानावर असून येथील घरांच्या किंमतीत ३.९ टक्क्यांनी वाढ झाली आहे.