Mumbai Gold Smuggling:

छत्रपती शिवाजी आंतरराष्ट्रीय विमानतळावर सोन्याची तस्करी करणाऱ्या एका कुटुंबाला हवाई गुप्तचर विभागानं अटक केलीय. सिंगापूर ते मुंबई दरम्यान प्रवास करणाऱ्या एका कुटुंबाची तपासणी केल्यानंतर हवाई गुप्तचर विभागानं त्यांच्याकडून दोन किलो २४ कॅरेट सोन्याच्या ४ पुड्या जप्त केल्या.

या सोन्याची किमत तब्बल १.०५, २७,३३१ कोटी इतकी आहे. हे कुटुंब सिंगापूरहून परत होते, त्यावेळी मुंबई विमानतळावर त्यांना रोखण्यात आलं आणि त्यांच्याकडून तस्करीचं सोने जप्त करण्यात आले आहे. हवाई विभागानं ११ सप्टेंबर रोजी मुंबई आंतरराष्ट्रीय विमानतळावर ही कारवाई केली. एआययूच्या अधिकाऱ्यांनी एपीआयएस प्रोफाइलिंगच्या आधारे इंडिगो फ्लाइट 6E 1012 सिंगापूर ते मुंबई आणि चेन्नई दरम्यान प्रवास करत होतं.

दरम्यान सोन्याची तस्करी करणारे कुटुंब सिंगापूर ते मुंबई असा प्रवास करत होते. तस्करी करणारे कुटुंब मुंबई विमानतळावर उतरलं असताना हवाई गुप्तचर विभागानं या कुटुंबाला थांबवलं. त्यानंतर या कुटुंबाची तपासणी केल्यानंतर या व्यक्तीनं स्वस्ताच्या अंतर्वस्त्रात आणि दोन वर्षाचा मूलगा आणि पत्नीच्या डायपरमध्ये सोन्याच्या पावडरची पूड लपवली होती. दरम्यान पोलिसांनी पुरुष आणि महिलेला न्यायिक कारागृहात पाठवण्यात आलं आहे.

आणखीन एका घटनेत डीआरआयनं सोन्याची तस्करी करणाऱ्याला अटक करण्यात आलीय. तस्करी करणारा व्यक्ती हा दुबई ते मुंबई छत्रपती शिवाजी महाराज आंतरराष्ट्रीय विमानतळापर्यंत प्रवास करत होता. आरोपीकडून जवळपास साडेचार कोटी रुपयांचं सोनं जप्त करण्यात आलं. सलीम सगीर इनामदार (४३ वर्षे) असे अटक करण्यात आलेल्या आरोपीचे नाव असून तो मूळचा रायगड जिल्ह्यातील असून तो सिंडिकेटचा मास्टरमाईंड असल्याचे सांगण्यात येत आहे.