Mayur Rane

Latest Fire News

मुंबईतील (Mumbai) घाटकोपर सागर बोनान्झा मार्केटमध्ये बंद असलेल्या २५ ते ३० दुकानांना भीषण आग लागली. या आगीत एकजण जखमी झाल्याची माहिती मिळत आहे. या घटनेत एकजण जखमी झाल्याची माहिती मिळत आहे. रात्रीच्या सुमारास अचानक आग लागल्याची घटना घडली.  (latest marathi news)

मुंबईतील घाटकोपरमध्ये खोत गल्ली, सागर बोनान्झा मार्केट परिसरात रात्री अचानक दुकानांमध्ये आग लागली (Mumbai Fire News) होती. शॉर्टसर्किटमुळे ही आग लागल्याचं सांगितलं जात आहे. रात्री साडे अकराच्या सुमारास ही घटना घडली होती.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या आगीची तीव्रता जास्त होती. त्यामुळे ही आग आजूबाजूला असणाऱ्या दुकानांना देखील लागली. यात २५ ते ३० दुकाने जळून खाक झाले (Shops Caught Fire Ghatkopar ) आहेत. या दुकानांमध्ये शूज, झेरॉक्स मशीन, फोटो फ्रेम, मोबाईल ॲक्सेसरीज, कपडे तसेच विविध वस्तू होत्या. आगीमुळे त्या वस्तूंचे देखील नुकसान झाले आहे.

या घटनेत तसेच पंधरा ते वीस जणांना रेस्क्यू करण्यात आले. घटनास्थळी अग्निशमन दलाच्या १० ते १२ गाड्या दाखल झाल्या (Sagar Bonanza Market) होत्या. अग्निशमन दलाने आगीवर नियंत्रण मिळविण्याचे शर्थीचे प्रयत्न केले आहे. या आगीवर तब्बल सहा तासानंतर नियंत्रण मिळविण्यात यश मिळालं आहे.

या आगीत दुकान मालक संतोष सावंत (वय वर्ष ५४) यांना गंभीर दुखापत झाली आहे. घाटकोपरच्या राजावाडी रुग्णालयामध्ये त्यांना उपचारासाठी दाखल करण्यात आलं (fire news) आहे.

या घटनेमुळे परिसरातील नागरिकांमध्ये भीतीचं वातावरण होतं. रात्रीच्या वेळी परिसर शांत होता, जास्त वर्दळ (mumbai news) नव्हती. त्यामुळे जीवितहानी टळली आहे. मात्र मार्केटमधील २० ते २५ दुकानांचा जळून कोळसा झाला आहे. या घटनेत मोठ्या प्रमाणात आर्थिक नुकसान झाल्याची माहिती मिळत आहे.