संजय गडदे

Dahisar Crime News: ऑर्केस्ट्राच्या नावाखाली पुन्हा एकदा मुंबईत छमछम सुरू झालीये. डान्सबारला राज्यात बंदी असतानाही मुंबईच्या वेशीवर मोठ्या संख्येने लेडीज डान्सबार सुरू असल्याचे चित्र दिसत आहे. ऑर्केस्ट्राच्या नावाखाली पहाटेपर्यंत लेडीज बारचा हा धिंगाणा सध्या मुंबईच्या दहिसरमध्ये सुरू आहे. (Latest Marathi News)

येथील एक व्हिडिओ देखील समोर आलाय. समोर आलेला व्हिडिओ दहिसर येथील एका बारचा असल्याचा दावा करण्यात आला आहे. इथे बारबालांवर पैशांची उधळण सुरू असून अश्लील नृत्य आणि अश्लील हावभाव करत ग्राहकांना आकर्षित करण्याचे प्रकार सर्रासपणे सुरू आहेत.

मुंबई पोलीस प्रशासन यावर कोणती कारवाई करत नसल्याने या डान्सबारवर पोलिसांचा वरदहस्त आहे का? असा सवाल आता या व्हिडिओच्या निमित्ताने उपस्थित होत आहे. मुंबईच्या वेशीवर मोठ्या संख्येने ऑर्केस्ट्रा बार सुरू आहेत. मात्र ऑर्केस्ट्रा बारच्या नावाखाली इथे सर्रासपणे बारबालांची छम छम सुरू आहे.

या डान्सबारमुळे महाराष्ट्रातील तरुण पिढी बरबाद झाली होती. यामुळे डान्सबार बंदी कायदा अमलात आणला होता पण या कायद्याचा विसर आता पोलिसांना पडला आहे का? असाही प्रश्न या व्हिडिओच्या निमित्ताने उभा राहिला आहे.