Mumbai Dam Water Level: यावर्षी मान्सूनचे (Monsoon 2023) उशीरा आगमन झाले. मान्सून सक्रीय होऊन महिना पूर्ण झाला तरी देखील मुंबईला पाणीपुरवठा करणाऱ्या सातही धरण क्षेत्रात चांगला पाऊस झाला नाही. परिणामी या धरणांमध्ये कमी पाणी साचले आहे. मागच्या वर्षी धरणातील पाणीसाठा ५९.३३ टक्के इतका होता. यावर्षी धरणातील पाणीसाठा फक्त ३१.२९ टक्के इतकाच पाणीसाठी जमा झाला आहे.
मुंबई आणि उपनगरात अधूनमधून पावसाच्या (Mumbai Rainfall) सरी कोसळत आहेत. अशामध्ये गेल्या आठवडाभरापासून सुरू असलेल्या हलक्या पावसाने या सातही धरणातील पाणीसाठ्यात किरकोळ वाढ झाली आहे. सध्या मुंबईला पाणीपुरवठा करणाऱ्या या सातही धरणाची पाण्याची पातळी एकूण क्षमतेच्या ३२.५३ टक्के ऐवढी झाली आहे. गेल्या वर्षी आतापर्यंत धरणातील पातळी ५९.३३ टक्क्यांवर पोहोचली होती. यावर्षीचा धरणातील पाणीसाठा पाहिला तर मागच्या वर्षीच्या तुलनेमध्ये हा पाणीसाठी निम्मा आहे.
मान्सूनचे उशीरा आगमन त्यात चांगला पाऊस पडत नसल्यामुळे मुंबईला पाणी पुरवठा करणाऱ्या सातही धरणातील पाणीसाठ्यात अद्याप वाढ झालेली दिसत नाहीये. यावर्षी बिपरजॉय चक्रीवादळामुळे मान्सून दाखल व्हायला विलंब झाला. मागच्यावर्षी मुंबई आणि उपनगरामध्ये 11 जूनपासून पावसाला सुरुवात झाली होती. पण यावर्षी मान्सूनला दोन आठवडे उशीर झाला. मुंबई आणि उपनगरामध्ये 25 जूनपासून मान्सूनला सुरुवात झाली होती. जूनच्या शेवटच्या आठवड्यात आणि जुलैच्या पहिल्या आठवड्यामध्ये चांगला पाऊस झाला. पण आता पावसाचा जोर कमी झाला आहे. आजपासून पुन्हा जोरदार पावसाला सुरुवात झाली आहे. त्यामुळे आता धरणातील पाणीसाठ्यात वाढ होण्याची शक्यता व्यक्त केली जात आहे.
मुंबई महानगरपालिकेचे अतिरिक्त आयुक्त (प्रकल्प) पी. वेलरासू यांनी सांगितले की, 'या धरणांमध्ये सध्या जो पाणीसाठा आहे तो मागच्या वर्षीच्या तुलनेमध्ये फक्त ५० टक्के इतकाच आहे. या महिना अखेरपर्यंत शहरात १० टक्के पाणीकपात सुरू राहणार आहे. या महिना अखेरपर्यंत पाऊस आणि धरणांमधील पाणीसाठा पाहून आम्ही पाणीकपात ऑगस्टपर्यंत वाढविण्याचा निर्णय घेऊ.' दरम्यान, मुंबईला अप्पर वैतरणा, मोडकसागर, तानसा, मध्य वैतरणा, भातसा, विहार आणि तुळशी अशा सात धरणांमधून पाणीपुरवठा केला जातो.
उर्ध्व वैतरणा ९.०७ टक्के
मोडक सागर ५५.०९ टक्के
तानसा ६०.५७ टक्के
मध्य वैतरणा ४५.२० टक्के
भातसा २५.७७ टक्के
विहार ४८.१७ टक्के
तुलसी ६९.२२ टक्के
एकूण ३२.५२ टक्के
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.