Saptashringi Fort Landslide: सप्तशृंगी गडावर मोठी दुर्घटना! दरड कोसळून २ भाविक जखमी

Nashik News: काही दिवसांपूर्वीच नाशिकच्या (Nashik) सप्तश्रृंगी गडावर (Saptshrungi Fort) बस दरीत कोसळून मोठा अपघात घडला होता. त्यानंतर आज गडावर दरड कोसळल्याची मोठी घटना समोर आली आहे. सप्तश्रृंगी गडासमोरील मार्कंडेय पर्वतावर दरड ही दरड कोसळली असून या दुर्घटनेत दोन भाविक जखमी झाले आहेत.

याबाबत अधिक माहिती अशी की, आज मार्कंडेय पर्वतावर सोमवती अमावस्यानिमित्त भाविकांनी मोठी गर्दी केली आहे. यावेळी ही दरड कोसळल्याची (LandSlide) घटना घडली. यामध्ये दोन भाविक गंभीर जखमी झाले आहेत. या जखमींना उपचारासाठी वणीच्या ग्रामीण रुग्णालयात दाखल करण्यात आले आहे.

दरम्यान, गेल्या महिन्यातही सप्तशृंगी गडावर दरड कोसळली होती. त्यामुळं सप्तशृंगी ग्रामस्थांनी सार्वजनिक बांधकाम विभागाला घाटातील रस्ता दुरुस्तीचे पत्र दिले होते. तसेच रस्त्यावर मार्गदर्शक, साइन बोर्ड, खड्डे बुजवणे, कठडे दुरुस्त करणे, याबाबत तातडीने उपाययोजना आखण्याचे आवाहन करण्यात आलं होते. (Latest Marathi News)