सचिन गाड, साम प्रतिनिधी

छत्रपती शिवाजी महाराज टर्मिनसमध्ये RDX ठेवल्याचा धमकी देणारा कॉल आला होता. पोलिसांनी अवघ्या काही तासात धमकीचा कॉल करणाऱ्याला बेड्या ठोकल्या आहेत. लोहमार्ग पोलिसांना हा धमकीचा कॉल आला होता. धमकीचा फोन येताच पोलीस यंत्रणा सतर्क झाली होती.

छत्रपती शिवाजी महाराज टर्मिनसमध्ये RDX असल्याची धमकी देणारा कॉल येताच लोहमार्ग पोलिसांनी तपासला सुरुवात केली. त्यानंतर स्थानकाची तपासणी केली असता हा अफवा असल्याचं निदर्शनात आलं. त्यानंतर कॉल कोणी आणि कुठून करण्यात आला याचा तपास पोलिसांनी केला असता पवन कुमार नावाच्या इसमाला अटक करण्यात आलीय. पवन कुमार याने फोन करून आरडीएक्स ठेवणार असल्याची धमकी दिली होती. गुन्हे शाखा पुढील तपास करण्यात येणार असल्याची माहिती लोहमार्ग वरिष्ठ पोलीस निरीक्षक विजय तायडे यांनी दिली.