Summary -

• मुंबईत धावत्या लोकलमधून पडून प्रसिद्ध व्यावसायिकाचा मृत्यू

• मुलुंड रेल्वे स्थानकावर घडली घटना

• ७१ वर्षीय व्यावसायिक किर्ती वीरा अपघातात गंभीर जखमी झाले होते

• उपचारादरम्यान फोर्टिस रुग्णालयात त्यांचा मृत्यू झाला

मुंबईमध्ये धावत्या लोकलमधून पडून एका प्रसिद्ध व्यावसायिकाचा मृत्यू झाल्याची घटना घडली. मुलुंड रेल्वे स्थानकावर ९ एप्रिल रोजी ही घटना घडली होती. या अपघातामध्ये जखमी झालेल्या व्यावसायिकाचा उपचारादरम्यान मृत्यू झाला. किर्ती वीरा असे या ७१ वर्षीय मृत व्यावसायिकाचे नाव होते. या घटनेमुळे मुंबईत एकच खळबळ उडाली आहे.

मिळालेल्या माहितीनुसार, ९ एप्रिल रोजी सायंकाळी साडेपाच वाजताच्या सुमारास ही घटना घडली होती. मुलुंड रेल्वे स्थानकावर धावत्या लोकलमध्ये चढताना किर्ती वीरा खाली पडले. त्यानंतर ते लोकलसोबत फरफरट गेले. या अपघातामध्ये त्यांचे पाय तुटले. गंभीर जखमी अवस्थेत त्यांना तातकडीने अग्रवाल रुग्णालयात दाखल करण्यात आले.

किर्ती ओरा यांची प्रकृती गंभीर होती. प्राथमिक उपचारानंतर त्यांना पुढील उपचारासाठी मुंबईतील फोर्टिस रुग्णालयात हलवण्यात आले. पण त्याठिकाणी उपचारादरम्यान त्यांचा मृत्यू झाला. किर्ती वीरा हे मुलुंड पश्चिम येथील प्रसिद्ध व्यावसायिक होते.