- सिद्धेश म्हात्रे

ठाणे : कंत्राटी कामगारांच्या विविध मागण्यांसाठी ज्यात प्रामुख्याने कोविडमुळे (covid19) मृत झालेल्या कंत्राटी कामगारांना पाच लाखांची आर्थिक मदत देणे, ६० दिवसांचा कोविड (covid) भत्ता देणे व कंत्राटी कामगारांना समान काम समान वेतन लागू करणे या मागण्यांसाठी मनसे (mns) येत्या शुक्रवारी (ता. ११) नवी मुंबई मनपा मुख्यालयावर (mns morcha on navi mumbai muncipal corportaion) ढोल बजाव आंदोलन छेडणार आहे.

मनसेचे नवी मुंबई शहराध्यक्ष गजानन काळे (gajanan kale) म्हणाले या ढोलच्या आवाजाच्या माध्यमातून कामगारांचे प्रश्न मनपा आयुक्तांच्या कानावर पोहचविण्याचा आमचा प्रयत्न असणार आहे. यापुढील आंदोलन हे लोकशाही पद्धतीने नसेल असा इशाराही काळे यांनी दिला.

त्यामुळे मनसे आता कंत्राटी कामगारांचे प्रश्न सोडविण्यासाठी आक्रमक झाली आहे हे निश्चित. येत्या ११ मार्चला हाेणा-या ढोल बजाव आंदोलनातून मनसे मनापा प्रशासनाला जागे करणार आहे.

Edited By : Siddharth Latkar