Sushma Andhare Raj Thackeray
Sushma Andhare Raj Thackeray  Saamtv
मुंबई/पुणे

MNS News: 'नातवाला राजकारणात ओढाल तर कानाजवळ डीजे वाजवू...' मनसेचा सुषमा अंधारेंना इशारा; प्रकरण काय?

Gangappa Pujari

Shalini Thackeray On Sushma Andhare:

नुकत्याच झालेल्या गणपती विसर्जन मिरवणूकीतील डी.जे च्या दणदणाटावर अनेकांनी चिंता व्यक्त केली होती. मनसे अध्यक्ष राज ठाकरे यांनीही ट्वीट करत याबद्दल भाष्य केले होते. राज ठाकरे यांच्या ट्वीटनंतर ठाकरे गटाच्या नेत्या सुषमा अंधारे यांनी नातवाला त्रास झाला म्हणून बडा नेता बोलेल, असा टोला लगावला होता. यावरुनच मनसे आणि अंधारेंमध्ये चांगलीच जुंपल्यांचे पाहायला मिळत आहे.

याबाबत सविस्तर माहिती अशी की, राज ठाकरे (Raj Thackeray) यांच्या नातवाचा उल्लेख करत सुषमा अंधारे (Sushma Andhare) यांनी टीका केली होती. या टीकेनंतर मनसेनेही आक्रमक भूमिका घेत सुषमा अंधारे यांच्यावर हल्लाबोल केला आहे. विनाकारण राज ठाकरेंच्या नातवाचे नाव घ्याल तर कानाखाली डीजे वाजवू.. असा दम मनसे नेत्या शालिनी ठाकरे यांनी दिला आहे.

काय आहे मनसेचा इशारा...

"हिंदू सण उत्साहाने साजरे झालेच पाहिजेत यासाठी राजसाहेबांनी अनेकदा ठाम भूमिका घेतली आहे. मात्र काही हिंदू सणांमध्ये डी. जे. आणि लेझर लाईट मुळे होणारा त्रास याबाबत ही रोखठोक भूमिका घेवून त्यास विरोध केला. महाराष्ट्रातील जनतेने तसेच सर्व पक्षातील संवेदनशील माणसांनी याचे स्वागत केले. हीच बाब बहुदा तुम्हाला रुचली नसल्याचे दिसतेय."

"सध्या मराठीबाबत तांडव सुरू असताना तुमचे शिल्लक सेना प्रमुख आणि त्यांचे बगल बच्चे शांतच आहेत. अशा वेळी फक्त मनसे (MNS) आणि राजसाहेब सडेतोड भूमिका घेताना दिसत आहेत. म्हणुनच राजसाहेबांवर टीका करून प्रसिद्धी मिळवण्याचा तुम्ही केविलवाणा प्रयत्न करत आहात..."

कुटुंबाला राजकारणात ओढायची तुमच्या 'गट' प्रमुखांची सवय तशी जुनीच. काही दिवसांपूर्वी तुमच्या 'गट' प्रमुखांनी मुख्यमंत्र्यांच्या नातवाला राजकारणात ओढले होते. मग तुमच्या सारखे चेले - चपाटे तरी कसे मागे राहतील? यातूनच तुमच्या पक्षाची संस्कृती दिसते.

अंधारे बाई, या पुढे याद राखा. संबंध नसताना जर साहेबांच्या नातवाला आपण राजकारणासाठी बोललात तर महाराष्ट्र नवनिर्माण महिला सेना तुमच्या कानाजवळ डि.जे. वाजवल्याशिवाय राहणार नाही. ज्या बाबी पटत नसतील त्याला विरोध जरूर करा. मात्र विरोधाची भाषा, स्तर महाराष्ट्राच्या राजकीय संस्कृतीला शोभेल असा ठेवा... असा इशारा शालिनी ठाकरे (Shalini Thackeray) यांनी दिला आहे. (Latest Marathi News)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Maratha Reservation: जिल्हानिहाय आंदोलनाच्या पार्श्वभूमीवर पोलीस प्रशासन ॲक्शन मोडमध्ये; मराठा कार्यकर्त्यांना आंदोलनापूर्वीच नोटीसा

मराठ्यांचा रास्तारोको!Maratha अंदोलकांना पोलिसांकडून नोटीस.| Marathi News

Manoj Jarange Patil यांच्या नेतृत्वात आज रास्तारोको!| Marathi News

Pune मध्ये आज महाविकास आघाडीची जाहीर सभा!| Marathi News

Amol Mitkari Threat Calls News | अमोल मिटकरींना धमकीचे कॉल्स | Marathi News

SCROLL FOR NEXT