अक्षय बडवे

Pune Vetal Tekdi News: गेल्या काही महिन्यांपासून पुण्यातील वेताळ टेकडीचा मुद्दा चर्चेचा विषय ठरला आहे. टेकडी फोडून रस्ता बनवल्या जात असल्याने विविध स्तरातून या प्रकल्पाचा विरोध होत आहे. याच पार्श्वभूमीवर पुण्यातील वेताळ टेकडी फोडून होणाऱ्या रस्त्याला मनसेकडून विरोध करण्यात आला आहे. (Latest Marathi News)

या विरोधात आज मनसेने (MNS) लाक्षणिक उपोषणाला सुरुवात झाली आहे. यावेळी मनसेचे अनेक पदाधिकारी आणि कार्यकर्ते उपस्थित होते. आमचा शहरातील कुठल्याच विकास कामाला विरोध नाही मात्र या कमला आमचा विरोध आहे. पुणेकरांचा श्वास कोंडून आणि फोडून जर प्रकल्प होणार असतील मग आम्ही हा प्रकल्प होऊ देणार नाही अशी भूमिका मनसेने मांडली आहे. (Pune News)

पुण्यातील वेताळ टेकडी

वेताळ टेकडी ही पुणे शहरातील तील एक महत्त्वाचा डोंगर आहे. पुण्याच्या (Pune) पश्चिमेला वसलेला ही टेकडी जैवविविधता आणि सौंदर्याच्या दृष्टीने पुणेकरांच्या आकर्षणाचे स्थान बनली आहे. पुणे शहराचा सर्वोच्च बिंदू याच टेकडीवर समुद्रसपाटीपासून ८०० मीटर उंचीवर आहे.

वेताळ टेकडीचा विस्तार सुमारे साडेदहा चौरस किमी क्षेत्रात आहे. वेताळ टेकडी हे नाव त्या टेकडीवर असलेल्या वेताळबाबाच्या देवळामुळे आले आहे. या देवळाजवळच वन विभागाने सद्ध्या एक उंच निरिक्षण मनोरा उभारला आहे. एस.एन.डी.टी,ला कॉ्लेज रस्ता, सेनापती बापट रस्ता, गोखले नगर, सिंबायोसीस, पंचवटी, पत्रकार नगर या भागांमधे टेकडीचा विस्तार आहे.