सिद्धेश म्हात्रे

नवी मुंबई - विरोधीपक्ष नेते देवेंद्र फडणवीस (Devendra Fadnavis) यांचा भावी मुख्यमंत्री असा उल्लेख करत महापालिका अधिकाऱ्यांना आमदार गणेश नाईक यांनी भर सभेत खडे बोल सुनावलेत. आमदार मंदा म्हात्रे (Manda Mhatre) यांच्या संकल्पनेतून उभारण्यात आलेले दिवाळे गाव हे पहिले स्मार्ट व्हिलेज होणार असून याच्या पहिल्या टप्प्यातील कामाच्या उद्घाटनासाठी विरोधीपक्ष देवेंद्र फडणवीस हे दिवाळे गावात आले होते. यावेळी भाजपा आमदार गणेश नाईक (Ganesh Naik) यांनी केलेलं भाषण चर्चेचा विषय ठरत आहे.

हे देखील पहा -

मी सांगणार नाही की तुम्ही 2 महिन्यात मुख्यमंत्री व्हाल मात्र 2024 ला नक्कीच देवेंद्र फडणवीस मुख्यमंत्री होतील ते पण स्वबळावर ही जनसामान्यांची भावना असल्याचं मत आमदार गणेश नाईक यांनी व्यक्त केलं आहे. यासोबतच आज होणारा अंधार हा कायम राहत नाही तो उजेड होऊ शकतो त्यामुळे सर्व अधिकाऱ्यांना माझा संदेश आहे. कायद्याच्या कचोटीत अयोग्य असणाऱ्या गोष्टी अयोग्य समजा परंतु कोणाच्या दबावाखाली येऊन तुम्ही त्या गोष्टी करत असाल तर दिवस बदलणार आहेत असा अप्रत्यक्ष इशाराच मनपा अधिकाऱ्यांना दिला.

आम्ही सूड घेणार या भावनेने बोलत नाही परंतु ज्या ज्या लोकांनी गोरगरिबांचा छळ केला त्या लोकांना त्याचा जाब द्यावा लागेल हा शब्द गणेश नाईक निश्चितपणे देतो अशी प्रतिक्रिया आमदार गणेश नाईक यांनी व्यक्त केली आहे. नगरविकास मंत्री एकनाथ शिंदे यांच्या आदेशाने नवी मुंबई मनापातील अधिकाती काम करत असल्याचा आरोप भाजपा आमदार गणेश नाईक मागील अनेक महिन्यांपासून करत असून अखेर विरोधीपक्ष नेते देवेंद्र फडणवीस यांच्या समोरच आमदार गणेश नाईक यांनी मनपा अधिकाऱ्यांवरील आपला रोष व्यक्त केला.

Edited By - Shivani Tichkule