मुंबई : राजधानी दिल्लीमध्ये आजचा दिवस राजकीय घडामोडींचा असणार आहे. केंद्रीय पातळीवर विरोधकांची मोट बांधून पंतप्रधान नरेंद्र मोदी (Narendra Modi) यांना पर्याय उभा करण्याकरिता प्रयत्न केले जात आहेत. या मोहिमेचे नेतृत्व राष्ट्रवादीचे अध्यक्ष शरद पवार (Sharad Pawar) करत आहेत. शरद पवार यांच्या पक्षाची म्हणजेच राष्ट्रवादीची आज (NCP) दिल्लीमध्ये एक महत्त्वाची बैठक पार पडणार आहे.

हे देखील पहा-

दुसरीकडे शिवसेनेचे खासदार संजय राऊत काँग्रेस नेते संजय राऊत ‌यांना भेटणार आहेत. सेना यूपीएमध्ये सहभागी होत असल्याची चर्चा आता सध्या सुरू झाली आहे. राज्यात आगामी काळात विधानसभेच्या हिवाळी अधिवेशनाच्या पार्श्वभूमीवर ही बैठक महत्वाची असणार आहे. तसेच राष्ट्रवादी पक्षात संघटानत्मक बदलांबद्दल देखील या बैठकीमध्ये चर्चा होण्याची शक्यता आहे.

मागच्या काळात शरद पवार आणि ममता बॅनर्जी यांची भेट झाली होती. त्या भेटीच्या पार्श्वभूमीवर देखील ते पक्षाला मार्गदर्शन करणार आहेत, अशी शक्यता वर्तवली जात आहे. सर्वोच्च न्यायालयाने महाराष्ट्रात स्थानिक स्वराज्य संस्थांच्या निवडणुकीत ओबीसींचे २७ टक्के आरक्षण रद्दबातल ठरवले आहे. या निवडणुका आता पुढे ढकले जावे, अशी मागणीही होऊ लागली आहे. त्याविषयी आज दिल्लीत चर्चा होणार आहे.

Edited By- Digambar Jadhav