मुंबईतील चर्चगेट रेल्वे स्थानकावर भीषण आग लागल्याची माहिती समोर आली आहे. रेल्वे स्थानकावरील एका दुकानाला भीषण आग लागली. या आगीमुळे प्रवाशांचा एकच गोंधळ उडाला. आगीची माहिती मिळताच अग्निशमन दलाच्या कर्मचाऱ्यांनी घटनास्थळी धाव घेतली. आग विझवण्याचे शर्थीचे प्रयत्न सुरू आहेत. आग वाढत असल्यामुळे चर्चगेट रेल्वे स्थानकावर सगळीकडे धूर पसरला आहे त्यामुळे प्रवाशांचा एकच गोंधळ उडाला. सर्वांची पळापळ झाली. या आगीचा व्हिडिओ समोर आला आहे.

मिळालेल्या माहितीनुसार, चर्चगेट रेल्वे स्थानकावरील केकच्या दुकानाला आग लागली. सायंकाळी साडेपाच वाजताच्या सुमारास दुकानाला शॉर्ट सर्किटमुळे अचानक आग लागली. या दुकानच्या आसपासच्या दुकानांमध्ये काम करणाऱ्यांनी तात्काळ बाहेर धाव घेतली. चर्चगेट रेल्वे स्टेशनवर प्रवाशंची जास्त वर्दळ असते. ऐन गर्दीच्या वेळी ही आगीची घटना घडल्यामुळे एकच गोंधळ उडाला. प्रवाशांची पळापळ झाली.

चर्चगेट रेल्वे स्टेशनच्या गेटजवळ ही घटना घडली. या रेल्वे स्टेशनच्या आतमध्ये सगळीकडे धूर पसरला. त्यामुळे प्रवाशांमध्ये भीतीचे वातावरण आहे. आगीची माहिती मिळताच अग्निशमन दलाच्या गाड्या घटनास्थळी दाखल झाल्या आहेत. अग्निशमन दलाच्या जवानांकडून आग विझवण्याचे शर्थीचे प्रयत्न सुरू आहेत. आग लागल्यामुळे चर्चगेट स्टेशनवरील सब वे बंद करण्यात आला आहे. सुदैवाने आगीत कोणतीही जीवितहानी नाही.