सचिन गाड, मुंबई

Mumbai Goregaon Fire News:

गेल्या चोवीस तासांत मुंबईच्या गोरेगाव पश्चिम भागात आगीची दुसरी घटना समोर आली आहे. गोरेगाव पश्चिममधील राम मंदिर रेल्वे स्थानकाजवळ भीषण आग लागल्याची घटना घडली आहे. मृणालताई गोरे पुलाखाली भीषण आग लागली आहे. या परिसरातील गोडाऊनला ही आग लागल्याची घटना घडली आहे. आग लागल्याची माहिती मिळताच १२ फायर इंजिन आणि ८ टँकर घटनास्थळी पोहोचले आहेत. (Latest Marathi News)

मिळालेल्या माहितीनुसार, दिवसभरात गोरेगावात दुसऱ्यांदा आग लागल्याची घटना घडली आहे. गोरेगावमधील राम मंदिर रेल्वे स्थानकाजवळून ही भीषण आगीचं अग्नितांडव समोर आलं आहे. मृणालताई गोरे पुलाखाली असलेल्या अस्मी इंडस्ट्रीयल कॉम्प्लेक्स परिसरात आग लागली आहे.

डिझेल गोडाऊन आणि स्क्रॅप साहित्याला ही आग लागली आहे. या गोडाऊनला आग लागल्याची माहिती मिळताच १२ अग्निबंब आणि ८ टँकर घटनास्थळी पोहोचले आहेत. ही आग विझविण्याचे अग्निशमन दलाच्या जवानांकडून शर्थीचे प्रयत्न सुरू आहेत. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या आगीची घटना घडल्यानंतर घटनास्थळी बघ्यांची एकच गर्दी झाली आहे. गोडाऊनला लागलेल्या आगीचे लोट हवेत पसरले आहेत. पुलाखाली आग लागल्यानंतर काही प्रमाणात बाजूला असलेल्या रस्त्यावर वाहनकोंडी झाल्याचे दिसून येत आहे. या भीषण गोडाऊन जळून खाक झाल्याचे दिसून येत आहे.