ठाणे - कळव्यातील खारेगाव परिसरात दारूच्या पैशाच्या वादातून एका तरुणाची हत्या झाल्याची घटना घडल्याने एकच खळबळ उडाली आहे. याप्रकरणी कळवा पोलिसांनी अज्ञातांविरोधात गुन्हा दाखल केला करून 12 तासांच्या आत 3 आरोपींना अटक केली आहे.. पुढील तपास कळवा पोलीस करत आहे.

हे देखील पहा -

आपापसात असलेल्या वादातून काल कळवा खारेगाव येथे एक तरुणाची हत्या झाल्याची माहिती ठाण्यातील कळवा पोलिसांना मिळाली. मिळालेल्या माहिती नंतर पोलिसांनी घटनास्थळी धाव घेतली पोलिसांना यावेळी मयताच्या शरीरावर मारहाण केल्याचा जखमा आढळून आल्या. त्यानंतर पोलिसांनी या घटनेची गंभीरतेने दखल घेत अज्ञातांच्या विरोधात गुन्हा नोंद केला आणि तपासला सुरुवात केली.

पोलिसांसाठी मयत आणि आरोपी हे दोघे अज्ञात असल्याने कळवा पोलिसांनी 2 पथक तयार केली. तपासादरम्यान पोलिसांना मयत हा कळव्याच्या इंदिरानगर परिसरात राहणार असून त्याचे नाव गुलाब सलामत शेख असे नाव असल्याचे कळाताच पोलिसांनी आपली सूत्र फिरवली आणि 12 तासांच्या आत पोलिसांनी 3 जणांना ताब्यात घेतले. त्यांची कसून चौकशी केली असता त्या तीनही आरोपींनी गुन्हा कबूल केला.

आकाश पळस, सनी सोनकर आणि फैजल खान असे या तीन आरोपींची नाव असून हे तीनही आरोपी हे कळव्याच्या इंदिरानगर परिसरातील राहणारे आहेत. आरोपी आणि मयत यांच्यात दारू पिण्यासाठी पैशावरून बाचाबाची झाली आणि या बाचाबाचीचे रूपांतर हाणामारीत झाले. आरोपींनी मयत गुलाबला लोखंडी पाईपने मारहाण केली होती आणि त्यातच त्याचा मृत्यू झाल्याचे पोलीस तपासात निष्पन्न झाले.

Edited By - Shivani Tichkule