राज्यात प्रशासनात बदली आणि नियुक्त्यांची मालिका सुरूच आहे. राज्यात आज बुधवारी पुन्हा एकदा बड्या आयएएस अधिकाऱ्याची महत्वाच्या पदावर नियुक्ती झाली. विजय सूर्यवंशी असे बड्या आयएएस अधिकाऱ्यांचे नाव आहे.

विजय सूर्यवंशी यांची पिंपरी चिंचवड महापालिका आयुक्तपदी नियु्क्ती झाली आहे. याआधी श्रावण हर्डीकर हे पिंपरी चिंचवड महापालिकेचे प्रभारी आयुक्त होते. मात्र आता पिंपरी चिंचवड महापालिकेला विजय सूर्यवंशी यांच्या माध्यमातून पूर्णवेळ आयुक्त मिळाला आहे.

सामान्य प्रशासनाच्या विभागाने सूर्यवंशी यांना सूचित केले आहे की, 'आम्ही तुमची बदली केली आहे. तुमची नियुक्ती महापालिका आयुक्त, पिंपरी चिंचवड महानगरपालिका, पिंपरी, पुणे या रिक्तपदावर केली आहे. ते पद अधिकालिक वेतन श्रेणीत उन्नत करून केली आहे. आता सध्याच्या पदाचा कार्यभार अपर मुख्य सचिव यांच्या सल्ल्याने अधिकाऱ्याकडे सोपवून नवीन पदाचा कार्यभार श्रावण हडिकर, भाप्रसे यांच्याकडून त्वरित स्वीकारावा'.

कोण आहेत विजय सूर्यवंशी?

मिळालेल्या माहितीनुसार, विजय सूर्यवंशी हे महाराष्ट्र कॅडरचे 2006 सालच्या बॅचचे आयएएस अधिकारी आहेत. विजय सूर्यवंशी यांनी कोकण विभागात सुरुवातीला कार्यरत होते. त्यांच्याकडे एमबीए आणि पीएचडी ही पदवी आहे.