नागपूर हिट अॅंड रन प्रकरणात भाजप नेते चंद्रशेखर बावनकुळे यांच्या मुलाचं नाव येत आहे, त्यामुळे प्रकरण दाबलं जातंय. असा आरोप विरोधक करत आहेत. ठाकरे गटाचे नेते खासदार संजय राऊत यांनी देखील आता सत्ताधाऱ्यांवर हल्लाबोल केलाय. गृहमंत्री देवेंद्र फडणवीस यांनी महाराष्ट्राच्या कायद्याची धिंड काढली, असा हल्लाबोल त्यांनी केलाय.
रस्त्यावर एखादा अपघात सामान्य माणसाने केला असता तर काय झालं असतं? एवढ्यात पोलिसांनी (Maharashtra Politics) त्याच्या कुटुंबाला, मित्राला रस्त्यावर बघून धिंड काढली असती. परंतु, सलमान खान सुटतो. एखादा बिल्डरचा मुलगा सुटतो. कोणाचाही मुलगा असू दे, कायदा सर्वांसाठी सामान व्हावा अशी मागणी राऊत (Sanjay Raut) यांनी केलीय.
लाहोतीरी बार बिल भरायला पाहिजे, त्याच्याबरोबर बीफ कटलेट याचं देखील बिल आहे. हिंदुत्ववादी लोक आहेत. हे सगळ्यांना मॉफ ब्लीचिंग करतात, असा आरोप त्यांनी केलाय. देवेंद्र फडणवीस (Devendra Fadanvis) महाराष्ट्र तुम्हाला माफ करणार नाही. तुम्ही आमच्या अनिल देशमुख यांना अटक करायला निघाले होतात. चार वर्षांपूर्वी एका प्रकरणात गृहमंत्री म्हणून त्यांनी काही निर्णय घेतले असतील, असं देखील राऊत म्हणाले आहेत. पण तुमच्या डोळ्यासमोर लोकांना मारण्याचा प्रयत्न केला, त्यांना तुम्ही अभय देत आहात का? असा सवाल संजय राऊत यांनी केलाय.
मणिपुर हा या हिंदुस्तानचा एक महत्त्वाचा भाग (Nagpur Hit And Run) आहे. गेल्या अडीच वर्षापासून पंतप्रधान मोदींना मणिपुरमधील हिंसाचार थांबवता आलेला नाही. हे त्यांना स्वीकारता आलं पाहिजे. पीएम मोदी अजून मणिपुरला गेलेले नाही. परंतु एअर इंडिया वन घेऊन ते जगभरात फिरत आहेत. मणिपुरमध्ये बॉम्बहल्ले होत आहेत, विद्यार्थ्यांना मारहाण केली जातेय. मोदींनी मणिपुरला जावं किंवा नाहीतर राजीनामा द्या, अशी मागणी संजय राऊत यांनी केलीय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.