गणेश कवडे, मुंबई

मुंबई : महानंद डेअरी संदर्भातील सर्वात मोठी बातमी समोर आली आहे. महानंद डेअरी कारभार आता नॅशनल डेअरी बोर्डाकडे आला आहे. महानंद डेअरी तोट्यात असल्याने याबाबत नॅशनल डेअरी बोर्डाला कळवलं होतं. त्यानंतर राज्य सरकारने नॅशनल बोर्डसोबत करार केला. त्यानंतर आता महानंद डेअरी ही मदर डेअरी सांभाळणार आहे. डेअरीच्या तोट्यामुळे सरकारने याबाबत निर्णय घेतला आहे.

महानंद राज्यातील सहकारी दूध संस्थाची शिखर संस्था आहे. या महानंद डेअरीचे २५ जिल्हा संघ आणि ६० तालुका दूध संघ सभासद आहेत. या डेअरशी २५ लाख दूध उत्पादक निगडित आहेत. गेल्या काही महिन्यांपासून महानंदची आर्थिक स्थिती बिकट आहे. याच महानंदची डेअरी आता मदर डेअर चालवणार आहे.

मिळालेल्या माहितीनुसार, महानंद डेअरी तोट्यात गेल्यामुळे नॅशनल डेअर बोर्डाकडे गेली आहे. नॅशनल डेअरी बोर्डाच्या अनेक उप कंपनी आहे. त्यापैकी मदर डेअरी ही उपकंपनी आहे. या कंपनीला ही डेअरी देण्यात आली आहे. या कंपनीतून निघणारे उत्पादन हे महानंद नावानेच निर्माण केले जाणार आहे.

त्यामुळे मदर डेअरी हे 'महानंद'च्या नावाने जरी उत्पादन काढणार आहे. त्यामुळे तोट्यात गेलेल्या डेअरी बाहेर काढण्यासाठी सरकारने हा निर्णय घेतला आहे. त्यामुळे ही डेअरी पुढे फायद्यात येणार का, हे पाहावे लागणार आहे.