अक्षय बडवे, साम प्रतिनिधी

कारेगावच्या माजी सरपंच आणि सोशल मीडिया स्टार निर्मला नवले यांनी विरोधकांवर गंभीर आरोप केलेत. जिल्हा परिषद आणि पंचायत समिती निवडणुकीत घोळ झाल्याचा आरोप करत विरोधकांनी ड्रग्जचा वापर केला. कार्यकर्त्यांना ड्रग्ज देण्याचा आल्याचा आरोप नवले यांनी एका व्हिडिओतून केलाय. पुणे जिल्ह्यातील कारेगावच्या माजी सरपंच निर्मला नवले या सोशल मीडियावर नेहमी चर्चेत असतात. नवले यांनी राष्ट्रवादी काँग्रेसकडून पंचायत समितीची निवडणूक लढवली. मात्र या निवडणुकीत त्यांचा दारूण पराभव झाला.

या पराभवानंतर त्यांनी प्रतिक्रिया दिली, त्यात त्यांनी मतदारांचे आणि कार्यकर्त्यांचा आभार मानले. आज त्यांनी एक व्हिडिओ प्रासारित करत निवडणूक प्रक्रियेवर आरोप केले. राजकारण खराब असून ज्यांच्याकडे पैसा आहे, त्यांनी निवडणुका लढवाव्यात, असं त्या व्हिडिओमध्ये म्हणाल्या. यावेळी त्या भावूक झाल्या होत्या. या व्हिडिओमध्ये त्यांनी विरोधकांवर आरोप केलेत. पंचायत निवडणुकीत पैसा, बोगस मतदान आणि ड्रग्जचा वापर झाला असा गंभीर आरोप निर्मला नवले यांनी केला.

काय म्हणाल्या निर्मला नवले?

निवडणुकीत पैसा जिंकला, माणूस हरला, पण माझा लढा सुरूच राहील. या निवडणुकीत पैशाचा आणि ड्रग्जचाही वापर करण्यात आला. पुढे त्या म्हणाल्या, माझा हा ३०० मतांनी झालेला पराभव अनपेक्षित आहे, पण ज्या ६५७७ मतदारांनी विश्वास दाखवला, त्यांची मी मनापासून ऋणी आहे. या निवडणुकीत पैसा, बोगस मतदान जिंकला, पण माणूस हरला. हे कटू सत्य आहे. पण आज माझे काय मतदार काही पैशांसाठी पाच वर्षांकरिता विकले गेले, हे गोष्ट मला अस्वस्थ करतेय. या निवडणुकीत विरोधकांनी दारूबरोबरच ड्रग्सचा वापर केला गेला. निवनडणुकीच्या काळात तरुण कार्यकर्ते रात्रीभर जागे राहावेत.

यासाठी ड्रग्जचा वापर केला गेला. याचा गंभीर परिणाम येणाऱ्या काळात दिसून येणार आहे. माझ्या गावातील ३० ते ४० तरुण ड्रग्सच्या आहारी गेली. तरुण पिढी ड्रग्सच्या आहारी जात असं बर्बाद होताना पाहणं हे अत्यंत चिंताजनक आहे. आजच्या राजकारणात समस्या, आणि पक्ष निष्ठा वेशीला टांगण्यात आलीय. आज कोणता उमेदवार जास्तीत जास्त पैसा वाटतो हेच निकष ठरले आहेत. राजकारणात येताना अधिक पैसा कमावला पाहिजे , आणि निवडणूक आल्यानंतर ते वाटावेत असं नवले या व्हिडिओ म्हणाल्या आहेत.