नगरपंचायत आणि नगरपरिषदेच्या निवडणुकीत नेते पळापळव केल्यामुळे शिवसेना आणि भाजपमध्ये वाद निर्माण झाला होता. एकनाथ शिंदेंनी त्यावरून थेट दिल्लीश्वरांकडे तक्रार केल्यानंतर भाजपनं मवाळ भूमिका घेत नेते फोडण्यावर काही काळ लगाम घातला. मात्र महापालिकेच्या निवडणुकीची घोषणा होताच भाजप-शिवसेना पुन्हा नेते फोडाफोडीमुळे आमने-सामने आलीय. शिवसेनेनं भाजपचा नगरसेवक पळवल्यानंतर भाजप आक्रमक झालीय.

आमच्याकडेही शिवसेनेचे कल्याण, डोंबिवली, उल्हासनगर, अंबरनाथ, बदलापूरचे अनेक नगरसेवक प्रवेश घेण्यासाठी रांगेत उभे आहेत. जर शिवसेनेकडून अशाप्रकारे पाठीत खंजीर खुपसण्याचे काम केलं जाणार असेल तर आम्हालाही मग आमची भूमिका बदलावी लागेल, असे म्हणत भाजपचे माजी आमदार नरेंद्र पवार यांनी शिंदे गटावर हल्लाबोल केलाय. यामुळे नगरपालिका निवडणुकीनंतर आता महापालिका निवडणुकांसाठीही पक्ष प्रवेशावरून कल्याणमध्ये भाजप-शिवसेना पुन्हा एकदा आमने सामने आलेत.

महापालिका निवडणुका महायुती म्हणून एकत्र लढणार असल्याचं मु्ख्यमंत्री फडणवीस यांनी जाहीर केलं. मात्र शिवसेना आणि भाजपातील वाद पुन्हा एकदा चव्हाट्यावर आलाय. कल्याणमध्ये दोन्ही पक्ष समोरासमोर आलेत. माजी नगरसेवक अरुण गीध. अरुण आणि त्यांच्या भगिनी वंदना गीध यांनी काल उपमुख्यमंत्री एकनाथ शिंदे यांच्या उपस्थितीत शिवसेनेत प्रवेश केला. त्यावरून कल्याण पश्चिमेतील माजी आमदार नरेंद्र पवार यांनी शिवसेनेवर टीका केली आहे.

नगरपालिका निवडणुकांवेळी एकमेकांचे पक्ष फोडण्याच्या मुद्द्यावरून संपूर्ण राज्यभरामध्ये शिवसेना आणि भाजपमध्ये वाद पेटला होता. ज्याचे पडसाद थेट दिल्लीमध्येही उमटले होते. त्यानंतर मग दोन्ही पक्षांनी एकमेकांचे पदाधिकारी आणि नगरसेवक कार्यकर्त्यांना प्रवेश न देण्याचा निर्णय राज्य पातळीवर घेण्यात आला. पण उपमुख्यमंत्री एकनाथ शिंदे यांच्या उपस्थितीत कल्याण पश्चिमेतील वरिष्ठ नगरसेवक अरुण गीध आणि त्यांच्या भगिनी वंदना गीध शिवसेनेत प्रवेश देण्यात आला. त्यानंतर भाजपचे माजी आमदार संतपाले आहेत.