>> सचिन जाधव

Maharashtra Rain Update News: राज्यभरात पावसाने दडी मारल्याने शेतकऱ्यांमध्ये चिंतेचे वातावरण आहे. यातच पावसाबद्दल एक नवीन माहिती समोर आली आहे. यंदा ऑगस्ट महिन्यात सर्वात कमी पाऊस झाला आहे. मागील 123 वर्षात या ऑगस्टमध्ये सर्वात कमी पाऊस झाल्याची माहिती, पुणे हवामान विभागाने दिली आहे.

पुणे हवामान विभागाने दिलेल्या माहितीनुसार, आजवर देशात सर्वात कमी पाऊस ऑगस्टमध्ये 36 टक्के इतका झाला आहे. तसेच राज्यात ऑगस्टमध्ये 59.42 टक्के पेक्षा कमी पाऊस झाला आहे. सप्टेंबरमध्ये देशात महिन्याची सरासरी गाठणार असा अंदाज, सप्टेंबरच्या 4 ते 5 तारखेला पाऊस सुरू होणार 19 ते 20 सप्टेंबरपर्यंत राहणार, अशी शक्यता वर्तवण्यात आली आहे.

सप्टेंबरमध्ये 91 ते 109 मिलीमीटर पाऊस पडण्याचा अंदाज वर्तवण्यात आला आहे. मराठवाडा आणि मध्य महाराष्ट्रात 21 ते 23 टक्के कमी पाऊस पडणार असल्याचा अंदाज हवामान विभागाने वर्तवला आहे. (Latest Marathi News)

देशासह राज्यात दुष्काळ सदृश परिस्थितीत निर्माण झाली आहे. देशात ऑगस्ट महिन्यात पडलेला पाऊस हा सव्वाशे वर्षातला सर्वात कमी पाऊस मराठवाडा आणि मध्य महाराष्ट्रात सर्वात कमी पाऊस पडलाय

पुढच्या महिन्यात काय असेल स्थिती?

- संपुर्ण देशात सप्टेंबर महिन्यात सरासरी पाऊस असणार.

- 91 टक्के ते 109 टक्क्यांपर्यंत सप्टेंबर महिन्यात पाऊस पडण्याची शक्यता.