Lonavala Rain News : लोणावळ्यात गेल्या आठवडयापासून मुसळधार पाऊस सुरू आहे. त्यामुळे धबधबे ओसंडून वाहत आहेत. सतत पडणाऱ्या पावसामुळे लोणावळ्यातील टाटा धरण (lonavala tata dam) आतापर्यंत 90 टक्के इतके भरले आहे. पावसाचा जोर वाढत गेल्यास टाटा धरणातून पाण्याचा विसर्ग केला जाईल असे धरण व्यवस्थापाने नमूद केले. (Maharashtra News)

लोणावळ्यात (lonavala) दमदार पाऊस काेसळत आहे. सहारा अँबी व्हॅली, टायगर पॉइंट तसेच भुशी धरण परिसरात दमदार पाऊस हाेत आहे. या ठिकाणी धुक्याची झालर पाहण्यासाठी पर्यटकांची गर्दी हाेत असते. याबराेबरच लोणावळ्यातील टाटा धरण 90 टक्के भरले आहे.

दरम्यान पावसाचा जोर वाढत गेल्यास टाटा धरणातून पाण्याचा विसर्ग करण्यात येईल असे धरण प्रशासनाने साम टीव्हीशी बाेलताना नमूद केले. धरण व्यवस्थापनाने दिलेल्या माहितीनूसार टाटा धरणातून पाण्याचा विसर्ग हा इंद्रायणी नदी पात्रात केला जातो. त्यामुळे इंद्रायणी नदी काठच्या गावांना सतर्कतेचा इशारा देण्यात येताे.

Edited By : Siddharth Latkar