संजय गडदे

Mumbai News : मुंबईच्या प्रसिद्ध संजय गांधी राष्ट्रीय उद्यानातील जेस्पा नावाच्या सिंहाचा रविवारी मृत्यू झाला आहे. संजय गांधी राष्ट्रीय उद्यानात जन्मलेला एकमेव सिंह होता. जेस्पाचा जन्म उद्यानातच २२ सप्टेंबर २०११ साली झाला होता. त्याला क्रोनिक ऑस्टियो संधिवात या विकाराने ग्रासले होते. यामुळे गेल्या महिनाभरांपासून त्याला उठताही येत नव्हते. (Latest Marathi News)

संजय गांधी राष्ट्रीय उद्यानातील शोभा आणि रवींद्र नावाच्या सिंहापासून २२ सप्टेंबर २०११ रोजी जेस्पाचा जन्म झाला होता. मागील महिनाभरापासून जेस्पा आजारी होता. त्याला क्रोनिक आॅस्टियो संधिवात या विकाराने ग्रासले होते. यामुळे गेल्या महिनाभरांपासून त्याला उठताही येत नव्हते.

रवींद्र सिंहाला प्रदर्शनासाठी देखील सोडण्यात येत नव्हते. त्याच्यावर तज्ज्ञ पशू वैदयकांचे मार्गदर्शनाझाली उपचार सुरू होते. परंतु त्याचे शरीर उपचाराला प्रतिसाद देत नव्हते.अखेरीस काल रविवारी त्याचा मृत्यू झाला.

उद्यानातील रवींद्र या १७ वर्षांच्या सिंहाचा मृत्यू झाल्यानंतर उद्यानात जेस्पा हा एकमेव नर सिंह शिल्लक होता. मात्र त्याला देखील गंभीर क्रोनिक आॅस्टियो संधिवाताने ग्रासले होते. त्यातच त्याचा मृत्यू झाला असून त्याचे मृतदेहाचे शव विच्छेदन मुंबई (Mumbai) पशू वैद्यकीय महाविद्यालयाचे तज्ञ डॉ. गाढवे यांनी केले. प्राथमिक अहवालानुसार अंतर्गत अवयवांचे निकामी होणे आणि अशक्तपणा यामुळे त्याचा मृत्यू झाल्याची शक्यता डॉ. गाढावे यांनी वर्तविली आहे.