मुंबई : चेंबूरच्या (Chembur) वाशीनाका गव्हाणगावात एचपीसीएलच्या प्लांट मधून मोठ्या प्रमाणात कॅटालिस्ट या पावडरची गळती झाली आहे. पुर्ण गावात पांढऱ्या रंगाची पावडर पसरलेली पाहायला मिळत आहे. गावात दत्त जयंती निमित्त असलेल्या भंडाऱ्या दरम्यान ही पावडर भाविकांच्या जेवणात गेली असल्याची प्राथमिक माहिती मिळत आहे.

या पावडरमुळे शरीरास धोका निर्माण होईल अशी भीती नागरिकांमध्ये पसरली आहे. Rcf पोलीस ठाणे, फायर ब्रिगेडची टिम, मनपा अधिकारी यांनी घटनास्थळी गावात येऊन या प्रकणाची चौकशी केली आहे आणि पुढील चौकशीचे आदेश दिले आहेत. पण एचपीसीएलचा एकही अधिकारी साधी भेट देण्यास किंवा चौकशी करण्यास आले नाहीत. त्या मुळे सर्व नागरिक एचपीसीएल कंपनीच्या या कृत्यावर संतप्त झाले आहेत. कंपनीने माफी मागावी किंवा आम्हाला इथून स्थलांतरीत करावे अशी मागणी स्थानिकांमधून जोर धरू लागली आहे.

Edited By: Pravin Dhamale