कुर्ला : कुर्ला पश्चिम आंबेडकर नगरच्या बाजूला गरीब मोहल्ला येथे घरावर दरड कोसळली आहे. या घरातील महिला लता रमेश साळुंखे (वय ५६) या जखमी झाल्या हाेत्या. त्यांना कुर्ला नर्सिंग होम हॉस्पिटल येथे उपचारासाठी दाखल केले असता डॉक्टरांनी त्यांना मृत घोषित केले.

या घटनेत त्याचे पती रमेश आणि मुलगा अमित यांना कोणत्याही प्रकारची इजा झालेली नाही. इतर कोणीही जखमी नाहीत. या घटनेनंतर आजूबाजूच्या घरातील लोकांना घरे खाली करावयास सांगून त्यांना सुखरूप ठिकाणी हलविण्यात आले आहे. ही झोपडपट्टी एका विकासकाने विकास करण्यासाठी घेतली असून अनेक वर्षापासून या ठिकाणी काम रखडले असल्याचं नागरिक सांगत आहे.

घटनास्थळी कुर्ला पोलीस ठाणेचे कर्मचारी आले आहेत. या भागात योग्य तो बंदोबस्त लावला आहे. फायर ब्रिगेडची वाहने देखील घटनास्थळी दाखल झाल्या आहेत.

edited by : siddharth latkar